----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082716
Today
Yesterday
This Week
Last Week
This Month
Last Month
All days
47
70
117
72672
2454
3536
82716
Your IP: 43.241.57.31
Server Time: 2017-12-18 05:02:31

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

 

altກະຊວງວິທະຍາສາດ ແລະ ເຕັກໂນໂລຊີ (ກວຕ), ສປປ ລາວ ຮ່ວມກັບ ກະຊວງວິທະຍາສາດ ແລະ ເຕັກໂນ

ໂລຊີ, ສສ ຫວຽດນາມ ໄດ້ຈັດພິທີວາງສີລາລືກໂຄງການກໍ່ສ້າງ `ສູນຝຶກອົບຮົມພະນັກງານຄຸ້ມຄອງວິທະ ຍາສາດ ແລະ ເຕັກໂນໂລຊີ` ຂຶ້ນໃນວັນທີ 07 ພະຈິກ 2015 ຢູ່ຫຼັກ 14, ບ້ານດອນຕິ້ວ, ເມືອງໄຊທານີ, ນະຄອນຫຼວງວຽງຈັນ ໂດຍການໃຫ້ກຽດເຂົ້າຮ່ວມເປັນປະທານ ຂອງ ທ່ານ ບັນດິດ. ສຈ. ບໍ່ວຽງຄຳ ວົງດາລາ, ລັດຖະມົນຕີວ່າການ ກວຕ ແລະ ທ່ານ ດຣ. ຫງວ້ຽນ ກວັນ, ລັດຖະມົນຕີວ່າການ ກະຊວງວິທະຍາສາດ ແລະ ເຕັກໂນໂລຊີ ສສ ຫວຽດນາມ.

ທ່ານ ບັນດິດ ສຈ. ບໍ່ວຽງຄໍາ ວົງດາລາ, ລັດຖະມົນຕີວ່າການ ກວຕ ກ່າວໃນພິທີວາງສີລາລຶກ ເພື່ອກໍ່ສ້າງສູນດັ່ງກ່າວວ່າ: ອີງໃສ່ນະໂຍບາຍຂອງລັດຖະບານ ໄດ້ຖືເອົາການພັດທະນາການຮ່ວມມືທາງດ້ານວິ ທະຍາສາດ ແລະ ເຕັກໂນໂລຊີ ກັບະເທດເພື່ອນມິດ ເປັນບັນຫາສຳຄັນຊຶ່ງໃນນັ້ນ ການຮ່ວມມືກັບກະຊວງ ວິທະຍາສາດ ແລະ ເຕັກໂນໂລຊີ ສສ ຫວຽດນາມ ແມ່ນມີຄວາມສໍາຄັນທີ່ສຸດ ຕໍ່ການພັດທະນາ ວິທະຍາສາດ ແລະ ເຕັກໂນໂລຊີ ຂອງ ສປປ ລາວ. ໂດຍເຫັນໄດ້ ເຖິງຄວາມສໍາຄັນ ຕໍ່ກັບວຽກງານການກໍ່ສ້າງຊັບພະຍາກອນມະນຸດ ໃນຂົງເຂດວິທະຍາສາດ ແລະ ເຕັກໂນໂລຊີ ໃນກອງປະຊຸມຄັ້ງທີ 35 ຂອງຄະນະກໍາມະການ ລະຫວ່າງ ລັດຖະບານ ລາວ-ຫວຽດນາມ ທີ່ຈັດຂຶ້ນໃນເດືອນທັນວາ 2013 ທີ່ ສສ ຫວຽດນາມ, ສອງຝ່າຍ ໄດ້ເຫັນດີເປັນເອກະພາບສະເໜີໂຄງການກໍ່ສ້າງສູນຝຶກອົບ ຮົມພະນັກງານຄຸ້ມຄອງວິທະຍາສາດ ແລະ ເຕັກໂນໂລຊີ ເຂົ້າໃນແຜນການຮ່ວມມືໂດຍນຳໃຊ້ທຶນຊ່ວຍ ເຫຼືອລ້າຂອງ ລັດຖະບານ ສສ ຫວຽດນາມ ໃຫ້ແກ່ລັດຖະບານ ສປປ ລາວ. ສອງກະຊວງວິທະຍາສາດ ແລະ ເຕັກໂນໂລຊີ ລາວ-ຫວຽດນາມ ໄດ້ປະສານສົມທົບ ແລະ ປຶກສາຫາລືຮ່ວມກັນຂຽນໂຄງການເບື້ອງຕົ້ນ ເພື່ອນໍາສະເໜີ ໃຫ້ແກ່ລັດຖະບານທັງສອງປະເທດ ພິຈາລະນາ. ພາຍຫຼັງກອງປະຊຸມຄັ້ງທີ 36 ຂອງຄະນະກໍາມະການ ລະຫວ່າງ ລັດຖະບານ ລາວ-ຫວຽດນາມ ທີ່ຈັດຂຶ້ນ ຢູ່ ສປປ ລາວ ໃນເດືອນທັນວາ ປີ 2014 ໄດ້ມີຄຳເຫັນຈາກບາງພາກສ່ວນກ່ຽວຂ້ອງ ຂອງຫວຽດນາມ ໃຫ້ສຶກສາຂໍ້ມູນຂອງໂຄງການຄືນໃໝ່ ເພື່ອຕອບສະໜອງຄວາມຮຽກຮ້ອງ ຕົວຈິງຂອງ ສປປ ລາວ. ສະນັ້ນ, ສອງກະຊວງ ວິທະຍາສາດ ແລະ ເຕັກໂນໂລຊີ ລາວ- ຫວຽດນາມ ກໍໄດ້ເກັບກໍາຂໍ້ມູນຄືນ ແລະ ໄດ້ຫຼຸດມູນຄ່າຂອງກໂຄງການລົງ. ມາເຖິງກອງປະຊຸມຄັ້ງທີ 37 ຂອງຄະນະກໍາມະການ ລະຫວ່າງ ລັດຖະບານ ລາວ-ຫວຽດນາມ ທີ່ໄດ້ຈັດຂຶ້ນໃນເດືອນ ມັງກອນ ປີ 2015, ສອງກະຊວງ ວິທະຍາສາດ ແລະ ເຕັກໂນໂລຊີ ລາວ-ຫວຽດນາມ ກໍໄດ້ມີຄວາມເປັນເອກະພາບ ສະເໜີ ໂຄງການດັ່ງກ່າວຄືນໃໝ່ ໂດຍໄດ້ຮັບການເຫັນດີຈາກບັນດາພາກສ່ວນກ່ຽວຂ້ອງຂອງຝ່າຍ ຫວຽດນາມ ແລະ ໄດ້ສົ່ງບົດສະເໜີໂຄງການດັ່່ງກ່າວໃຫ້ແກ່ລັຖະບານ ສປປ ລາວ. ຫຼັງຈາກນັ້ນ, ກະຊວງ ວິທະຍາສາດ ແລະ ເຕັກໂນໂລຊີ ສປປ ລາວ ກໍໄດ້ປະສານ ສົມທົບກັບຄະນະກໍາມາທິການຮ່ວມມືລາວ-ຫວຽດນາມ, ກະຊວງ ແຜນການ ແລະ ການລົງທຶນ ເພື່ອສະເໜີຂໍອະນຸມັດໂຄງການດັ່ງກ່າວ ກັບລັດຖະບານ ສປປ ລາວ. ມາຮອດວັນທີ 01 ມິຖຸນາ 2015, ຄະນະກໍາມາທິການຮ່ວມມື ລາວ-ຫວຽດນາມ ກໍໄດ້ອອກຂໍ້ຕົກລົງສະບັບເລກທີ 044/ຄຮມລ-ວ ວ່າດ້ວຍການຮັບຮອງເອົາໂຄງການ “ກໍ່ສ້າງສູນຝຶກອົບຮົມພະນັກງານຄຸ້ມຄອງ ວຕ ຂອງ ສປປ ລາວ”.

ໂອກາດດຽວກັນນີ້, ທ່ານ ຫງວຽ້ນ ກວນ, ລັດຖະມົນຕີວ່າການ ກະຊວງ ວິ່ທະຍາສາດ ແລະ ເຕັກໂນໂລຊີ, ສສ ຫວຽດນາມ ມີຄໍາເຫັນບາງຕອນວ່າ: ການກໍ່ສ້າງສູນດັ່ງກ່າວ ແມ່ນປະຕິບັດຕາມການຕົກລົງຢູ່ກອງປະຊຸມຄັ້ງທີ 35 ຂອງຄະນະກໍາມະການ ລະຫວ່າງ ລັດຖະບານ ທາງດ້ານເສດຖະກິດ, ວັດທະນະທໍາ, ການສຶກສາ, ວິທະຍາສາດ-ເຕັກນິກ ລະຫວ່າງ ລັດຖະບານ ແຫ່ງ ສສ ຫວຽດນາມ ແລະ ລັດຖະບານ ແຫ່ງ ສປປ ລາວ ຊຶ່ງຈັດຂຶ້ນ ຢູ່ວິງຟຸກ ໃນວັນທີ 19 ທັນວາ 2012 ຊຶ່ງ ກະຊວງ ວິທະຍາສາດ ແລະ ເຕັກໂນໂລຊີ ຫວຽດນາມໄດ້ຮັບມອບໜ້າທີ່ໃນການຜັນຂະຫຍາຍໂຄງການລົງທຶນ ກໍ່ສ້າງສູນຝຶກອົບຮົມພະນັກງານຄຸ້ມຄອງວິທະ ຍາສາດ ແລະ ເຕັກໂນໂລຊີ ຂອງ ສປປ ລາວ ໂດຍນຳໃຊ້ທຶນຊ່ວຍເຫຼືອລ້າຂອງ ລັດຖະບານ ຫວຽດນາມ ໃຫ້ແກ່ ລັດຖະບານ ລາວ. ໂດຍເຫັນໄດ້ເຖິງຄວາມສຳຄັນ ຂອງໜ້າທີ່ທີ່ໄດ້ຮັບມອບໝາຍ, ໃນໄລຍະຜ່ານມາ ກະຊວງວິທະຍາສາດ ແລະ ເຕັກໂນໂລຊີ, ສສ ຫວຽດນາມ ແລະ ກວຕ, ສປປ ລາວ ໄດ້ສົມທົບກັນຢ່າງແໜ້ນແຟັນ ໃນການກະກຽມໂຄງການດັ່ງກ່າວ.

ທ່ານ ກ່າວວ່າ: ການລົງທຶນໃນໂຄງການກໍ່ສ້າງສູນຝຶກອົບຮົມພະນັກງານຄູ້ມຄອງວິທະຍາສາດ ແລະ ເຕັກໂນໂລຊີທີ່ຂຶ້ນກັບ ກວຕ, ສປປ ລາວ ກໍເພືີ່ອໃຫ້ມີ ພື້ນຖານວັດຖຸທີ່ທັນສະໄໝ ຮັບໃຊ້ວຽກງານການກໍ່ສ້າງ, ພັດທະນາແຫຼ່ງບຸກຄະລາກອນວິທະຍາສາດ ແລະ ເຕັກໂນໂລຊີໃຫ້ມີລະດັບຄຸນນະພາບ ແລະ ສ້າງຖັນແຖວ ພະນັກງານຄຸ້ມຄອງວິທະຍາສາດ ແລະ ເຕັກໂນໂລຊີ ທີ່ມີຄວາມສາມາດ. ສິ່ງດັ່ງກ່າວນັ້ນ ເປັນຄວາມຮຽກຮ້ອງພາວະວິໄສໃນປັດຈຸບັນ ເພື່ດຜັນຂະຫຍາຍປະຕິບັດໜ້າທີ່ ແລະ ເປົ້າໝາຍໃນການພັດທະນາຂອງ ກວຕ ທີ່ພັກ ແລະ ລັດຖະບານ ແຫ່ງ ສປປ ລາວ ໄດ້ວາງອອກ.

ທ່ານ ກ່າວຕື່ມວ່າ: ພິທີວາງສີລາລຶກໂຄງການກໍ່ສ້າງສູນຝຶກອົບຮົມພະນັກງານຄຸ້ມຄອງ ວິທະຍາສາ ແລະ ເຕັກໂນໂລຊີ ຂອງ ສປປ ລາວ ເປັນໜຶ່ງໃນບັນດາ ການເຄື່ອນໄຫວຮ່ວມມື ທີ່ເປັນສູນກາງສໍາຄັນຂອງ ກະຊວງ ວິທະຍາສາດ ແລະ ເຕັກໂນໂລຊີ ຫວຽດນາມ ແລະ ລາວ, ປະກອບສ່ວນຂໍ່ານັບຮັບຕ້ອນວັນຊາດ ທີ 2 ທັນວາ ຄົບຮອບ 40 ປີ, ກອງປະຊຸມໃຫຍ່ ຂອງພັກຄອມມຸຍນິດຫວຽດນາມ ຄັງທີ XII ແລະ ກອງປະຊຸມໃຫຍ່ຂອງປະຊາຊົນປະຕິວັດລາວ ຄັ້ງທີ X.

ມູນຄ່າການໂຄງການກໍ່ສ້າງສູນດັ່ງກ່າວ ທີ່ໄດ້ດ້ຮັບການອະນຸມັດຈາກລັດຖະບານລາວ ແມ່ນ 98 ຕື້ກວ່າດົງ (ປະມານ 36 ຕື້ກວ່າກີບ). ໃນນັ້ນ, ງົບປະມານ ຊ່ວຍເຫຼືອລ້າຂອງລັດຖະບານຫວຽດນາມ ໃຫ້ແກ່່ລັດຖະບານ ລາວ ແມ່ນ 89 ຕື້ກວ່າດົງ ແລະ ງົບປະມານສົມທົບຂອງລັດຖະບານລາວ ແມ່ນ 8 ຕື້ກວ່າດົງ.

ສູນແຫ່ງນີ້ ມີເນື້ອທີ່ທັງໝົດ 5.220ຕາແມັດ, ປະກອບມີອາຄານເຮັດວຽກ, ຝຶກອົບຮົມ ແລະ ຄົ້ນຄວ້າ 2 ຊັ້ນ ທີ່ຕອບສະໜອງໃຫ້ແກ່ພະນັກງານວິທະ ຍາສາດ, ຄູອາຈານ ປະມານ 70 ຄົນ ແລະ ນັກຮຽນປະມານ 200 ຄົນ. ອາຄານ ປະກອບມີ: ຫ້ອງເຮັດວຽກຂອງບັນດາພະແນກ, ຫ້ອງການຂອງບັນດາພາກວິຊາ, ຫ້ອງຮຽນບັນຈຸນັກຮຽນ 30-50 ບ່ອນນັ່ງ, ຫ້ອງຮຽນພາສາຕ່າງປະເທດ 01 ຫ້ອງ, ຫ້ອງຮຽນ IT 01 ຫ້ອງ, ຫ້ອງປະຊຸມຮັບໃຊ້ແກ່ການບໍລິຫານເຕັກນິກຂອງບໍລິສັດ, ຫ້ອງວາງສະແດງໝາກຜົນຂອງຄົ້ນຄວ້າວິທະຍາສາດ 01 ຫ້ອງ, ຫ້ອງສະໂມສອນອະເນກປະສົງ ບັນຈຸໄດ້ປະມານ 300 ບ່ອນ; ອາຄານຫໍພັກ 02 ຊັ້ນທີ່ມີ 20 ຫ້ອງນອນ, ຫ້ອງເຄື່ອນໄຫວກິດຈະກໍາ 01 ຫ້ອງ, ຫ້ອງຄຸ້ມຄອງຫໍພັກ 01 ຫ້ອງ, ຫ້ອງພະຍາບານ 01 ຫ້ອງ ແລະ ສິ່ງອໍານວຍຄວາມສະດວກອື່ນໆ.

ເຂົ້າຮ່ວມໃນພິທີຄັ້ງນີ້ ມີທີ່ປຶກສາອັກຄະລັດຖະທູດ ສສ ຫວຽດນາມ ປະຈຳລາວ, ທ່ານ ຄໍາເຜີຍ ແກ້ວກິນນາລີ, ຮອງປະທານຄະນະກຳມາທິການຮ່ວມມື ລາວ-ຫວຽດນາມ, ລັດຖະມົນຕີຊ່ວຍວ່າການ ແລະ ບັນດາທ່ານ ຜູ້ຕາງໜ້າຈາກບັນດາພາກສ່ວນຕ່າງໆຂອງສອງປະເທດລາວ-ຫວຽດນາມ.

 

                                                         ບົດຂ່າວ: ນາງ ທັດສະນີ ພົງບັນດິດ

ຮູບພາບ: ບິນລີ້ ສີສຸລາດ

altaltaltaltaltalt

 

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top