----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000069664
Today
Yesterday
This Week
Last Week
This Month
Last Month
All days
48
289
337
60167
1546
2918
69664
Your IP: 43.241.57.31
Server Time: 2017-08-21 13:58:36

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

ຄອບຄົວທ່ານ ສົມບັດ ພົມມະເກດແກ້ວ ຢູ່ບ້ານອ່າງ ເມືອງພູກູດ ແຂວງຊຽງຂວາງ ແມ່ນຜູ້ໜື່ງທີ່ນຳໃຊ້ບົດຮຽນທີ່ຕົນໄດ້ສຶກສາຮ່ຳຮຽນມາເຂົ້າໃນການຜະລິດ ເພື່ອພັດທະນາການຜະລິດເປັນສິນຄ້າສ້າງລາຍຮັບເຂົ້າຄອບຄົວຕາມແນວທາງນະໂຍບາຍຂອງພັກ ໃຫ້ສາມາດເພີ່ງຕົນເອງກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ.

ທ່ານ ສົມບັດ ພົມມະເກດແກ້ວ ໄດ້ເລົ່າໃຫ້ຟັງວ່າ: ຂ້າພະເຈົ້າໄດ້ມີໂອກາດເຂົ້າມາຮຽນວິຊາອາຊີບຄະນະກະເສດສາດ ເຂດນາບົງ ນະຄອນຫຼວງວຽງຈັນ ຫຼັງຈາກຮຽນມານອດປີທີ 3 ຕົນກໍ່ໄດ້ມີລາຍຊື່ໄປຮຽນຕໍ່ທີ່ປະເທດອິດສະລາແອນ ຮອດປີ 2010 ພາຍຫຼັງຮຽນຈົບກໍ່ກັບມາບ້ານ ແລ້ວເກີດມີແນວຄິດຢາກປູກຝັງ-ລ້ຽງສັດ ຕາມທີ່ໄດ້ສຶກສາມາ ຕົນເອງຈື່ງໄດ້ປຶກສາຫາລືກັບພໍ່ແມ່ ແລະ ອ້າຍ ຈື່ງໄດ້ຕັດສິນໃຈປະຕິບັດ ໂດຍໃຊ້ຕົ້ນທຶນຈຳນວນ 190 ລ້ານກີບ ເປັນທຶນໝູນວຽນ ເພື່ອປັບດິນ ແລະ ສ້ອມແຊມໜອງຄືນໃໝ່ ສ້າງຄອກໄກ່ ດຶງໄຟຟ້າເຂົ້າ ຊື້ຕູ້ຟັກໄຂ່ 2 ໜ່ວຍ ຊື່້ຕູ້ເຢັນ ເພື່ອແຊ່ຢາວັກຊິນ ຊື້ໂຮງບົດສາລີ ເພື່ອປະສົມຫົວອາຫານ ຊື້ປານ້ອຍມາປ່ອຍ ແລະ ມີໜອງປາ 11 ໜອງ, ໜອງໃຫຍ່ 5 ໜອງ, ຄອກໄກ່ 5 ຄອກ, ຄອກອານຸບານໄກ່ນ້ອຍ 1 ຄອກ, ອ່າງເພະາພັນປາ 5 ອ່າງ, ມີຕູ້ຟັກໄຂ່ 4 ຕູ້, ມີໄກ່ພໍ່ພັນແມ່ພັນຈຳນວນ 250 ໂຕ, ຊື້ປານ້ອຍ 50 ໂຕ ແລະ ອື່ນໆ ສະເລ່ຍລາຍຮັບຈາກການຂາຍໄກ່ນ້ອຍ ຂາຍໄກ່ຊີ້ນ ປາຊີ້ນ ປານ້ອຍຊຸດທຳອິດ ໄດ້ທັງໝົດ 90 ລ້ານກີບ, ມາຮອດປີ 2012 ຜົວເມຍຈິ່ງພ້ອມກັນພັດທະນາ ແລະ ໄດ້ປັບປຸງປະສິດທິພາບຂອງການຜະລິດ ແລະ ອັດຕາການຂາຍໃນທ້ອງຕະຫຼາດຕາມຄວາມເໝາະສົມເຮັດໃຫ້ຜົນໄດ້ຮັບດີຂຶ້ນກວ່າເກົ່າຄື: ຂາຍໄກ່ນ້ອຍຈຳນວນ 10 ພັນໂຕ, ໂຕລະ 15 ພັນກີບ, ເປັນຈຳນວນ 150 ລ້ານກີບ, ຂາຍໄກ່ຊີ້ນຈຳນວນ 5 ໂຕນລາຄາກິໂລລະ 40 ພັນກີບ, ເປັນເງິນ 200 ລ້ານກີບ, ຂາຍປາຊີ້ນ 3 ໂຕນ ກິໂລລະ 25 ພັນກີບ ເປັນເງິນ 75 ລ້ານກີບ, ຂາຍປານ້ອຍໄດ້ 15 ລ້ານກີບ, ລວມລາຍຮັບທັງໝົດ 440 ລ້ານກີບ ເມື່ອຫັກຕົ້ນທຶນໃນການໃຊ້ຈ່າຍຕ່າງໆຍັງເຫຼືອເປັນກຳໄລທັງໝົດ3 ປີ ໄດ້ເງິນ 190 ລ້ານກີບ, ທ່ານຍັງໄດ້ກ່າວຕື່ມອີກວ່າການລ້ຽງໄກ່ ແລະ ລ້ຽງປາແມ່ນໄດ້ຮັບຜົນດີຫຼາຍບໍ່ສ່ຽງຕໍ່ການເປັນພະຍາດ, ປາຈະບໍ່ມັກຕາຍ ບໍ່ເປັນພະຍາດຕິດຕໍ່ຈາກສັດຫາຄົນ, ດັ່ງນັ້ນຄອບຄົວຂອງຂ້າພະເຈົ້າຈື່ງຢຶດຖືເອົາການລ້ຽງໄກ່ ແລະ ລ້ຽງປາເປັນອາຊີບຕົ້ນຕໍຜ່່ານການລ້ຽງມາໄດ້ໄລຍະເວລາ 3-4 ປີ ເຫັນວ່າຊີວິດການເປັນຢູ່ຂອງຄອບຄົວດີຂຶ້ນມີເຮືອນຢູ່ຖາວອນມີດິນ 1 ຕອນ, ລົດກະບະ 1 ຄັນ, ລົດຈັກ 2 ຄັນ ແລະ ເງິນຈຳນວນໜື່ງເອົາໄວ້ເປັນເງິນໝູນວຽນເຂົ້າໃນການລ້ຽງສັດ ແລະ ແຮໄວ້ໃນເວລາເຈັບເປັນພ້ອມທັງສົ່ງນ້ອງ 3 ຄົນໄປຮຽນວິຊາອາຊີບອີກ, ໃນອະນາຄົດໃກ້ໆນີ້ແມ່ນຈະສ້າງໜອງປາຂຶ້ນອີກ 1 ໜອງ ເພື່ອຂະຫຍາຍການລ້ຽງອອກຕື່ມອີກ ເພື່ອຕອບສະໜອງຕາມຄວາມຮຽນຮ້ອງຕ້ອງການຂອງຕະຫຼາດ ພ້ອມທັງເປັນການສ້າງລາຍຮັບເພື່ອແກ້ໄຂຄວາມທຸກຍາກຂອງຄອບຄົວ

 

               ຂໍ້ມູນຈາກໜັງສືພິມ ວຽງຈັນໃໝ່ສະບັບທີ 128.365, ລົງວັນທີ 21 ຕຸລາ 2016.

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top