----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000069656
Today
Yesterday
This Week
Last Week
This Month
Last Month
All days
40
289
329
60167
1538
2918
69656
Your IP: 43.241.57.31
Server Time: 2017-08-21 13:56:49

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

ມະຕິກອງປະຊຸມໃຫຍ່ຄັ້ງທີ X ຂອງພັກໄດ້ກ່າວວິໄສທັດປີ 2030 ແລະ ຍຸດທະສາດພັດທະນາເສດຖະກິດ-ສັງຄົມ ໃນໄລຍະເວລາ 10 ປີ (2016-2025) ໂດຍໄດ້ມີຄໍາຂວັນວິໄສທັດ ແລະ ຍຸດທະສາດຂອງການພັດທະນາແມ່ນສູ້ຊົນພັດທະນາປະເທດເຮົາໃຫ້ຫຼຸດພົ້ນອອກຈາກສະຖານະພາບດ້ອຍພັດທະນາໃນປີ 2020  ແລະ ກ້າວສູ່ປະເທດທີ່ກຳລັງພັດທະນາທີ່ມີລາຍຮັບປານກາງ-ສູງ ໄປຕາມທິດພັດທະນາສີຂຽວ ແລະ ຍືນຍົງ ເມື່ອງເຖິງປີ 2030 ແຕ່ກ່ອນຈະເຮັດໄດ້ຄືແນວນັ້ນທຸກໆຂະແໜງການ ທ້ອງຖີ່ນພາກສ່ວນຕ່າງໆທັງພາກລັດ-ເອກະຊົນ ຕ້ອງໄດ້ເປັນເຈົ້າການເປັນກຳລັງແຮງເຂົ້າໃນການພັດທະນາເສດຖະກິດ-ສັງຄົມ ໃຫ້ນັບມື້ເຕີບໃຫຍ່ເຂັ້ມແຂງຂຶ້ນເລື້ອຍໆ.

          ກຸ່ມບໍລິສັດ ຄຳໄພຊະນະກໍ່ສ້າງ ຈຳກັດເປັນອີກຫົວໜ່ວຍທຸລະກິດໜຶ່ງທີ່ເຫັນໄດ້ຄວາມສຳຄັນໃນການປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ໂດຍໄດ້ລົງທຶນເຂົ້າໃນຂະແໜງການຕ່າງໆ ບໍ່ວ່າຈະເປັນການກໍ່ສ້າງຂົວທາງ ເຄຫາສະຖານ ທ່ອງທ່ຽວ ແລະ ອື່ນໆ ຈົນເປັນທີ່ຮູ້ຈັກຂອງສັງຄົມປັດຈຸບັນຢ່າງກວ້າງຂວາງ ນອກຈາກກຸ່ມບໍລິສັດດັ່ງກ່າວໄດ້ພັດທະນາສະຖານທີ່ທ່ອງທ່ຽວທີ່ຫຼາຍຄົນຮູ້ຈັກກັນດີຄື: ຕາດຊອນ ໃຫ້ມີໂສມໜ້າໃໝ່ ເປັນສະຖານທີ່ທ່ອງທ່ຽວຕາມພູພະນັງ ແລະ ພັດທະນາເສັ້ນທາງຈາກຫ້ວຍຊອນຂວ້າມພູພະນັງ ໄປຕໍ່ໃສ່ທາດຫຼວງແຫ່ງຊາດເລກທີ 11 ເມືອງສັງທອງບໍ່ພຽງແຕ່ເທົ່ານີ້ ກຸ່ມບໍລິສັດດັ່ງກ່າວຍັງໄດ້ຮັບຄວາມໄວວາງໃຈຈາກຂັ້ນເທີງໃນການພັດທະນາໜອງຜື ເຂດບ້ານອີ່ໄລ ເມືອງນາຊາຍທອງ ນະຄອນຫຼວງວຽງຈັນ ເພື່ອໃຫ້ກາຍເປັນສູນກະສິກຳຕິດພັນກັບການທ່ອງທ່ຽວ ແລະ ຍັງຈະເປັນການສ້າງວຽກເຮັດງານທຳໃຫ້ກັບປະຊາຊົນທ້ອງຖີ່ນນຳອີກ.

          ທ່ານ ຄຳໄພ ສົມຊະນະ ປະທານກຸ່ມບໍລິສັດ ຄຳໄພຊະນະກໍ່ສ້າງ ຈຳກັດ ໄດ້ໃຫ້ສຳພາດເມື່ອບໍ່ດົນຜ່ານມາວ່າ: ກຸ່ມບໍລິສັດພວກຂ້າພະເຈົ້າໄດ້ຂໍສະເໜີສຳປະທານໜອງຜື ສະເພາະບໍລິເວນທີ່ເປັນນ້ຳໃນເນື່ອທີ່ 60 ເຮັກຕາ ເປັນເວລາ 50 ປີ ແລະ ສາມາດຕໍ່ໄລຍະສຳປະທານໄດ້ ມາຮອດປັດຈະບັນແມ່ນກ້າວເຂົ້າສູ່ປີທີ 3 ແລ້ວ ເຊີ່ງທາງກຸ່ມບໍລິສັດພວກເຮົາກຳລັງມີການອອກແບບ ເພື່ອພັດທະນາ ໃຫ້ເປັນສູນກະສິກຳ ໂດຍມີແຜນພັດທະນາເປັນສູນກະສິກຳອິນຊີ ພ້ອມນັ້ນ ຍັງຈະສ້າງເປັນສູນເພາະພັນປາຊະນິດຕ່າງໆ ເພື່ອສະໜອງເຂົ້າໃນສະຖານທີ່ທ່ອງທ່ຽວຕາດຊອນຖ້າຜົນຜະລິດຫຼາຍຂຶ້ນກໍ່ຈະສົ່ງຈຳໝ່າຍຕາມຕະຫຼາດພາຍໃນນະຄອນຫຼວງວຽງຈັນ ແລະ ບັນດາແຂວງໃກ້ຄຽງ.

          ສ່ວນເຕັກນິກໃນການປູກພືດອິນຊີ ປັດຈຸບັນແມ່ນມີຄວາມສົນໃຈ ແລະ ສຶກສາເຕັກນິກການປູກຜັກໃສ່ໜອງນ້ຳ ທີ່ປະເທດເພື່ອນບ້ານ ມຽນມາ ເຊີ່ງເຂົາເຈົ້າໄດ້ນຳເອົາຜັກຕົບແຫ້ງມາເຮັດເປັນແທ່ງ (ເປັນກ້ອນ) ມາວາງເປັນໜານຜັກໃສ່ໜອງນ້ຳ ແລະ ນຳເອົາຕົມໃນໜອງນ້ຳມາລາດໃສ່ດ້ານໜ້າແທ່ງຜັກຕົບກ່ອນຈະລົງມືປູກເຕັກນິກນີ້ຈະບໍ່ໄດ້ຫົດນ້ຳ ຫຼື ໃສ່ຝຸ່ນ ແຕ່ອາໄສ ນ້ຳ-ຝຸ່ນ ໃນນອງນ້ຳນັ້ນເອງ ສ່ວນການສ້າງສູນເພາະພັນປາແມ່ນກຳລັງໄດ້ປະສານກັບວິຊາການກ່ຽວຂ້ອງເພື່ອອອກແບບລະບົບການເພາະພັນປາໂດຍຈະໃຫ້ສາມາດເພາະພັນປາຫຼາຍຊະນິດເພື່ອລ້ຽງ

ໃນໜອງດັ່ງກ່າວ.

          ສຳລັບເນື່ອທີ່ດິນອ້ອມຮອບໜອງນັ້ນ ແມ່ນຈະສ້າງເປັນໝູ່ບ້ານຊົນເຜົ່າຕ່າງໆ ເພື່ອເປັນທີ່ພັກໃຫ້ກັບປະຊາຊົນທ້ອງຖີ່ນເຂົ້າມາເຮັດວຽກໃນສະຖານທີ່ດັ່ງກ່າວ ແລະ ຍັງຈະສາມາດຮອງຮັບນັກທ່ອງທ່ຽວທີ່ເຂົ້າທ່ຽວຊົມໄດ້ນຳອີກ.

          ທ່ານປະທານກຸ່ມບໍລິສັດ ຄຳໄພຊະນະກໍ່ສ້າງ ຈຳກັດ ຍັງໄດ້ກ່າວຕື່ມວ່າ: ເນື່ອງຈາກວ່ານັກສຶກສາທີ່ຈົບມາໃນແຕ່ລະປີທັງໃນລະດັບຕ່າງໆມີຫຼາຍພັນຄົນເຮັດໃຫ້ເກີນຄວາມຕ້ອງການຂອງຕະຫຼາດແຮງງານເກີດມີໄພຫວ່າງງານດັ່ງນັ້ນ ການພັດທະນາໜອງຜື ໃນຄັ້ງນີ້ ແມ່ນເປັນການປະກອບສ່ວນເຂົ້າໃນການສ້າງວຽກເຮັດງານທຳໃຫ້ກັບນັກສຶກສາທີ່ຈົບໃໝ່ ເພື່ອໃຫ້ເຂົາເຈົ້າມີວຽກເຮັດງານທຳ ມີລາຍຮັບ ເຊີ່ງນັກສຶກສາທີ່ຈົບມາບໍ່ສະເພາະຈົບທາງດ້ານກະສິກກຳ ປູກຝັງ ລ້ຽງສັດເທົ່ານັ້ນ ແຕ່ຂະແໜງການອື່ນໆລ້ວນແລ້ວແຕ່ສາມາດເຂົ້າເຮັດວຽກກັບພວກເຮົາໄດ້ ຂໍພຽງແຕ່ໃຈມັກ ມີຄວາມດຸໝັ່ນອົດທົນ ແລະ ຜູ້ທີ່ເຂົ້າມາເຮັດວຽກກັບກຸ່ມບໍລິສັດພວກເຮົາຍັງສາມາດໄປເຮັກວຽກຕາມຈຸດປະສົງທີ່ຕົນເລືອກໄວ້ນັ້ນເມື່ອມີໂອກາດ ແລະ ເຖິງເວລາທີ່ເໝາະສົມ.

                ຂໍ້ມູນຈາກໜັງສີພິມ ວຽງຈັນໃໝ່ ສະບັບທີ 128.368 ລົງວັນທີ 26 ຕຸລາ 2016.

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top