----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000075849
Today
Yesterday
This Week
Last Week
This Month
Last Month
All days
75
32
148
66414
1771
2920
75849
Your IP: 43.241.57.31
Server Time: 2017-10-18 05:40:07

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

ການປູກພືດຜັກຜະລິດເປັນສິນຄ້າ ແມ່ນອາຊີບໜຶ່ງທີ່ສາມາດສ້າງລາຍຮັບເຂົ້າຄອບຄົວໄດ້ຫຼາຍສົມຄວນ ເຮັດໃຫ້ຄອບຄົວສາມາດຫຼຸດພົ້ນອອກຈາກຄວາມທຸກຍາກໄດ້ ເໝືອນດັ່ງຄອບຄົວຂອງທ່ານ ເຈີມົວ ທີ່ໄດ້ຖືເອົາອາຊີບດັ່ງກ່າວເປັນອາຊີບຫຼັກຂອງຄອບຄົວ ເຊີ່ງປີໜື່ງສາມາດສ້າງລາຍຮັບໄດ້ເຖິງ 40 ລ້ານກີບ ເຮັດໃຫ້ຊີວິດການເປັນຢູ່ຂອງຄອບຄົວສາມາດຫຼຸດພົ້ນອອກຈາກຄວາມທຸກຍາກໄດ້.

 

          ທ່ານ ເຈີມົວ ເປັນຊາວກະສິກຳ ບ້ານນາເລົາ ເມືອງໂພນໂຮງ ແຂວງວຽງຈັນ ໄດ້ກ່າວວ່າ: ເມື່ອກ່ອນຄອບຄົວຂ້າພະເຈົ້າໄດ້ອາໄສຢູ່ເມືອງຊຳໃຕ້ ແຂວງຫົວພັນ ໃນປີ 2003 ໄດ້ຍົກຍ້າຍຄອບຄົວມາຕັ້ງຖິ່ນຖານໃໝ່ຢູ່ບ້ານນາເລົາ ເມືອງໂພນໂຮງ ແຂວງວຽງຈັນ ຈົນຮອດປັດຈຸບັນນີ້ ໂດຍພາຍຫຼັງມາຢູ່ບ້ານນາເລົາ ຕົນເອງກໍ່ໄດ້ຫັນອາຊີບຈາກການເຮັດການຜະລິດພໍກຸ້ມຢູ່ກຸ້ມກິນຈາກໃນເມື່ອກ່ອນ ຫັນການດຳລົງຊີວິດໄປສູ່ການຜະລິດເປັນສິນຄ້າ ເຊີ່ງການຫັນອາຊີບເພື່ອໃຫ້ກາຍເປັນການຜະລິດເພື່ອເປັນສິນຄ້ານອກຈາກການເຮັດນາແລ້ວຕົນເອງຍັງໄດ້ໄປຖອດຖອນບົດຮຽນທາງດ້ານການປູກຜັກປອດສານພິດແຕ່ປີ 2005 ເປັນຕົ້ນມາ ແລະ ຮອດປັດຈຸບັນນີ້ທີ່ຄອບຄົວຖືເອົາການປູກຜັກສົ່ງຂາຍຕະຫຼາດພາຍໃນນະຄອນຫຼວງວຽງຈັນ ຕະຫຼາດເມືອງໂພນໂຮງ ແລະ ຕະຫຼາດຫຼັກ 52 ສາມາດສ້າງລາຍຮັບເຂົ້າຄອບຄົວເປັນຈຳນວນເປັນຈຳນວນຫຼ!ຍ ເມື່ອລົບຕົ້ນທຶນຄ່າເຊົ່າດິນ ຊື້ແນວພັນ ແລະ ຄ່ານ້ຳມັນໃສ່ລົດໄຖຄາດສວນແລ້ວ ຍັງມີກຳໄລປະມານ 35-40 ລ້ານກີບຕໍ່ປີ ໂດຍລາຍຮັບດັ່ງກ່າວໄດ້ເຮັດໃຫ້ຊີວິດການເປັນຢູ່ຂອງຄອບຄົວມີຖານະເຂັ້ມແຂງດີຂຶ້ນ ສາມາດມີເງິນທ້ອນ ແລະ ສົ່ງເສີມລູກໃຫ້ຮຽນໜັງສື ປຸກເຮືອນແບບຖາວອນ ຊື້ພາຫະນະຮັບໃຊ້ຈຳນວນໜື່ງ ອັນພົ້ນເດັ່ນ ໄດ້ເຮັດໃຫ້ຄອບຄົວຫຼຸດພົ້ນອອກຈາກຄວາມທຸກຍາກ ໂດຍພື້ນຖານ ເຊີ່ງສາເຫດທີ່ພາໃຫ້ເສດຖະກິດຄອບຄົວມີການຂະຫຍາຍຕົວເຂັ້ມແຂງຂຶ້ນມາໄດ້ນັ້ນ ຍ້ອນປະຕິບັດຕາມແນວທາງນະໂຍບາຍຂອງພັກ-ລັດໃຫ້ຖືກທິດບວກໃສ່ການເອົາໃນໃສ່ສົ່ງເສີມຂອງອຳນາດການປົກຄອບທຸກຂັ້ນ ແລະ ຄວາມດຸໝັ່ນ ຈຶ່ງເຮັດໃຫ້ຄອບຄົວດ້າວໄປສູ່ການເພີ່ງຕົນເອງກຸ້ມຕົນເອງ ສ້າງຄວາມເຂັ້ມແຂງດ້ວຍຕົນເອງໄດ້.

 

          ທ່ານເຈີມົວ ໄດ້ກ່າວຕື່ມອີກວ່າ: ຄອບຄົວຂອງຂ້າພະເຈົ້າປະກອບມີສະມາຊິກ 5 ຄົນ ໃນນັ້ນແຮງງານຕົ້ນຕໍມີ 2 ຄົນ ຍ້ອນມີແຮງງານຈໍາກັດ ຈື່ງເຮັດໃຫ້ການຜະລິດປູກຜັກໄດ້ພຽງ 2 ໄລ່ກວ່າແຕ່ເຖິງວ່າເນື່ອທີ່ເຮັດການຜະລິດຈະມີໜ້ອຍແຮງງານບໍ່ຫຼາຍ ແຕ່ມີຄວາມຕັ້ງໃຈ ມີຄວາມບຸກບືນອົດທົນດຸໝັ່ນ ປັດໄຈດັ່ງກ່າວນີ້ກໍ່ສາມາດສ້າງເປັນແຫ່ງສ້າງລາຍຮັບທີ່ໝັ້ນຄົງໃຫ້ແກ່ຄອບຄົວມີຢູ່ມີກິນ ແຕ່ເຖິງແນວໃດກໍຕາມ ເພື່ອນຳພາຄອບຄົວກ້າວໄປຂ້າງໜ້າໃຫ້ມີຢູ່ມີກິນ ແລະ ມີຄວາມເຂັ້ມແຂງຂຶ້ນຕື່ມອີກນັ້ນ ກໍ່ໄດ້ມີແຜນຂະຫຍາຍເນື້ອທີ່ເຮັດການຜະລິດໃຫ້ຫຼາຍຂຶ້ນກວ່າເກົ່າ ທັງນີ້ກໍ່ເພື່ອສ້າງລາຍຮັບໃຫ້ຄອບຄົວຫຼາຍກວ່າເກົ່າ.

 

          ເວົ້າລວມແລ້ວມາຮອດປັດຈຸບັນຄອບຄົວຂອງ ທ່ານ ເຈີມົວເປັນຄອບຄົວໜື່ງທີ່ໄດ້ພິກຜັນຊີວິດຄອບຄົວຈາກທີ່ວ່າຄອບຄົວທີ່ມີພໍຢູ່ພໍກິນ ສາມາດກາຍມາເປັນຄອບຄົວທີ່ເຂັ້ມແຂງ ແລະ ນຳເປັນແບບຢ່າງດ້ານການພັດທະນາເພື່ອຫຼຸດພົ້ນອອກຈາກຄວາມທຸກຍາກຕາມທິດ 3 ສ້າງ ທີ່ພັກ ລັດຖະບານໄດ້ວາງໄວ້ຢ່າງມີຜົນສຳເລັດ ເຊີ່ງຜົນສຳເລັດທີ່ຄອບຄົວສາມາດຍາດມາໄດ້ນັ້ນ ປັດໄຈຕົ້ນຕໍແມ່ນຍ້ອນຄວາມດຸໝັ່ນຂະຫຍັນພຽນ ຕັ້ງໜ້າພັດທະນາຕົນເອງ ພັດທະນາຄອບຄົວ ປະກອບອາຊີບໃຫ້ໝັ້ນທ່ຽງ ແລະ ໝັ້ນຄົງ ໂດຍພືດຕິດກຳນີ້ກາຍເປັນບົດຮຽນແບບຢ່າງໃຫ້ຫຼາຍຄອບຄົວທີ່ຍັງບໍ່ມີອາຊີບທີ່ໝັ້ນຄົງ ສາມາດນຳໄປຖອດຖອນຖືເປັນຄົວແບບໃນການທຳມາຫາກິນລ້ຽງຊີບ ເພື່ອນຳພາຄອບຄົວຂອງຕົນໃຫ້ສາມາດຫຼຸດພົ້ນອອກຈາກຄວາມທຸກຍາກໄດ້.

                ຂໍ້ມູນຈາກໜັງສີພິມ ວຽງຈັນໃໝ່ ສະບັບທີ 128.368 ລົງວັນທີ 26 ຕຸລາ 2016.

 

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top