----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000069654
Today
Yesterday
This Week
Last Week
This Month
Last Month
All days
38
289
327
60167
1536
2918
69654
Your IP: 43.241.57.31
Server Time: 2017-08-21 13:56:25

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ໄຊທານີແມ່ນໜື່ງໃນ 9 ຕົງເມືອງຂອງນະຄອນຫຼວງວຽງຈັນ ມີເນື້ອທີ່ທັງໝົດ 845,05 ກິໂລຕາແມັດ, ໃນນັ້ນດິນກະສິກຳກວມເອົາ 21% ປະກອບມີ 104 ບ້ານ ແບ່ງອອກເປັນ 11 ກຸ່ມ ມີ 33,317 ຄອບຄົວ ມີພົນລະເມືອງ 189,869 ຄົນ ແລະ ສະເລ່ຍ ຄວາມໜາແໜ້ນຂອງພົນລະເມືອງປະມານ 206 ຄົນຕໍ່ 1 ກິໂລຕາແມັດ ເມືອງດັ່ງກ່າວມີຄວາມສຳຄັນທາງດ້ານຍຸດທະສາດ ແລະ ທ່າແຮງຫຼາຍດ້ານໃນການພັດທະນາເສດຖະກິດ-ສັງຄົມ ໂດຍສະເພາະ ແມ່ນຂະແໜງກະສິກຳ ແລະ ປ່າໄມ້ ເໝາະສົມແກ່ການຜະລິດສະບຽງອາຫານໃຫ້ເປັນສິນຄ້າ ເປັນຕົ້ນແມ່ນການປຸກຝັງ-ລ້ຽງສັດ ແລະ ອື່ນໆ ຢູ່ໃນອັນດັບຕົ້ນໆຂອງນະຄອນຫຼວງ ອັນໄດ້ເຮັດໃຫ້ວຽກງານດັ່ງກ່າວມີການຂະຫຍາຍຕົວດີຂຶ້ນເລື້ອຍໆ.

          ທ່ານ ຄຳປ່ຽນ ອິນທະລືຊາ ຮອງເຈົ້າເມືອອງໄຊທານີ ໄດ້ກ່າວວ່າ: ຕະຫຼອດໄລຍະ 1 ປີ ກໍ່ຄືສົກປີ 2015-2016  ເດືອນຜ່ານມາຄະນະພັກ ຄະນະນຳເມືອງໄຊທານີໄດ້ເອົາໃຈໃສ່ຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII ຂອງເມືອງຢ່າງຕັ້ງໜ້າ ເພື່ອສຸມໃສ່ພັດທະນາພື້ນຖານໂຄງລ່າງ ກໍ່ຄືການແກ້ໄຂຊີວິດການເປັນຢູ່ຂອງພໍ່ແມ່ປະຊາຊົນບັນດາເຜົ່າໃຫ້ດີຂຶ້ນ ແລະ ຫຼຸດພົ້ນອອກຈາກຄວາມທຸກຍາກ ໂດຍສະເພາະແມ່ນໄດ້ເອົາໃຈໃສ່ເຂົ້າໃນການຊຸກຍູ້ສົ່ງເສີມຂະແໜງກະສິກຳ ແລະ ປ່າໄມ້ເປັນຕົ້ນແມ່ນການຜະລິດເຂົ້າ ພືດຜັກ ແລະ ລ້ຽງສັດເປັນສິນຄ້າ ເຊີ່ງເຮັດໃຫ້ວຽກງານດັ່ງກ່າວມີການຂະຫຍາຍຕົວດີຂຶ້ນເປັນກ້າວໆ ສະແດງອອກຄື: ໃນສົກປີ 2015-2016 ຜ່ານມາເມືອງໄດ້ວາງແຜນການປູກເຂົ້າທັງໝົດ 19,951 ເຮັກຕາ ປະຕິບັດຕົວຈິງໄດ້ 19,751 ເຮັກຕາ ເທົ່າກັບ 99% ຂອງແຜນການສະມັດຕະພາບບັນລຸ 4,47 ໂຕນຕໍ່ເຮັກຕາ ຜົນຜະລິດໄດ້ 88,360 ໂຕນ ສະເລ່ຍຕໍ່ຫົວຄົນ 449 ກິໂລ ຕໍ່ຄົນຕໍ່ປີ ໃນນັ້ນເຂົ້ານາປີ 14,756 ເຮັກຕາທຽບໃສ່ ແຜນການປະຕິບັດໄດ້ 4,37 ໂຕນຕໍ່ເຮັກຕາ ຜົນຜະລິດ 64,484 ໂຕນ ການຜະລິດເຂົ້ານາແຊງປັກດຳໄດ້ 4,995 ເຮັກຕາເທົ່າກັບ 96,15% ຂອງແຜນການສະມັດຕະພາບ 4,78 ໂຕນຕໍ່ເຮັກຕາ ຜົນຜະລິດໄດ້ 23,876 ໂຕນ ທຽບໃສ່ປີຜ່ານມາ ລື່ນ 3,876 ໂຕນ.

          ສຳລັບການປູກພືດຜັກ ສາມາດສົ່ງເສີມໃຫ້ຊາວກະສິກອນປູກໄດ້ທັງໝົດ 3,062 ເຮັກຕາທຽບໃສ່ແຜນການປີໄດ້ 100% ຜົນຜະລິດ 31,845 ໂຕນ ພືດອຸດສະຫະກຳປະຕິບັດ 1,368 ເຮັກຕາ ທຽບໃສ່ແຜນການ 91% ຜົນຜະລິດ 24,624 ໂຕນ ໄມ້ໃຫ້ໝາກ 88 ເຮັກຕາ ທຽບໃສ່ແຜນການປະຕິບັດໄດ້ 108% ຜົນຜະລິດໄດ້ 1,432 ໂຕນ ແລະ ສົ່ງເສີມຊາວກະສິກຳຈັດຕັ້ງກຸ່ມຜະລິດກະສິກຳອິນຊີໄດ້ 4 ກຸ່ມ ມີ 64 ຄອບຄົວ ໃນເນື້ອທີ່ 29,62 ເຮັກຕາ ຜົນຜະລິດ 251,25 ໂຕນຕໍ່ປີ  ສາມາດສ້າງລາຍຮັບໃຫ້ຈໍານວນຄອບຄົວດັ່ງກ່າວ 2 ລ້ານກວ່າກີບຕໍ່ອາທິດ ສ່ວນການສະໜອງທາດຊີ້ໄດ້ 16,880 ໂຕນ ເທົ່າກັບ 112% ຂອງແຜນການປີ ໃນນັ້ນມີຊີ້ນຄວາຍ 60 ໂຕນ ງົວ 508 ໂຕນ ໝູ 3,290 ໂຕນ ສັດປີກ ສັດປີກ 717 ໂຕນ ປາ 6,500 ໂຕນ ໄຂ່ 5,796 ໂຕນ ແລະ ຊີ້ນແບ້ 9 ໂຕນ ເຊີ່ງມາຮອດປັດຈຸບັນທົ່ວເມືອງມີ ຄວາຍ 3,007 ໂຕ ທຽບໃສ່ປີ 2014 ເພີ່ມຂຶ້ນ 244 ໂຕ ເທົ່າກັບ 1% ໝູ 87,769 ໂຕ ແລະ ແບ້ 5,184 ໂຕ ທ-ຍໃສ່ປີ 2014 ເພີ່ອມຂຶ້ນ 36 ໂຕ ເທົ່າກັບ 0,6%.

          ນອກຈາກນັ້ນຄະນະພັກ ແລະ ອຳນາດການປົກຄອງເມືອງຍັງໄດ້ເອົາໃຈໃສ່ຈັດຕັ້ງປະຕິບັດເຂົ້າໃນວຽກງານຂົງເຂດອຸດສະຫະກຳ-ການຄ້າ ເປັນຕົ້ນແມ່ນ ການຄຸ້ມຄອງບັນດາໂຮງງານ ໂຮງຊ່າງຫັດຖະກຳ ແລະ ໜ່ວຍການຜະລິດຂະໜາດນ້ອຍ ແລະ ກາງໃຫ້ປະຕິບັດຕາມກົດໝາຍ ແລະ ຮັກສາສິ່ງແວດລ້ອມດ້ວຍການລົງກວດກາສະຖານທີ່ບ່ອນດຳເນີນກິດຈະການ ເຊີ່ງທົ່ວເມືອງມີໂຮງງານຂະໜາດໃຫຍ່ ນ້ອຍ ກາງ ນັບທັງກະຊວງ ນະຄອນຫຼວງ ແລະ ເມືອງ ອອກອະນຸຍາດໃຫ້ທັງໝົດ 547 ແຫ່ງ ທຽບໃສ່ປີຜ່ານມາ ເພີ່ມຂຶ້ນ 9,8% ມີມູນຄ່າການລົງທຶນ 1,620 ຕື້ກີບ ເພີ່ມຂຶ້ນ 45,2% ອອກອະນຸຍາດ ແລະ ຕໍ່ອະນຸຍາດໄດ້ 71 ຫົວໜ່ວຍ ມີມູນຄ່າການລົງທຶນ 10,75 ຕື້ກີບ ພ້ອມນັ້ນກໍ່ໄດ້ລົງເຜີຍແຜ່ເນື້ອໃນຈິດໃຈການດັດສົມຕະຫຼາດເພື່ອໃຫ້ຊາວຄ້າຂາຍຮັບຮູ້ ແລະ ເຂົ້າໃຈການຈັດຕັ້ງປະຕິບັດລະບຽບການຕ່າງໆເພື່ອແນໃສ່ໃຫ້ໄດ້ມາດຖານເງື່ອນໄຂຕະຫຼາດທີ່ດີຄົບຖ້ວນ.

          ສຳລັບທິດທາງແຜນການຕໍ່ໜ້າສືບຕໍ່ສ້າງເມືອງໄຊທານີມີຄວາມສະຖຽນລະພາບທາງດ້ານການເມືອງ ສັງຄົມມີຄວາມສະຫງົບ ປອດໄພ ໜັກແໜ້ນ ມີຄວາມເປັນລະບຽບຮຽບຮ້ອຍເປັນເມືອງແຫ່ງຜະລິດທຸລະກິດທີ່ເຂັ້ມແຂງ ແລະ ການບໍລິການວ່ອງໄວ ແກ້ໄຂຄວາມທຸກຍາກເພື່ອຍົກລະດັບຊີວິດການເປັນຢູ່ຂອງພໍ່ແມ່ປະຊາຊົນ ຊຸກຍູ້ການຜະລິດເປັນສິນຄ້າຫຼາຍຂຶ້ນ ເນັ້ນໃສ່ການຜະລິດພືດປັກປອດສານພິດ ແລະ ສົ່ງເສີມການລົງທຶນຂອງທຸກພາກສ່ວນເສດຖະກິດ ແລະ ການລົງທຶນຈາກຕ່າງປະເທດໃຫ້ນັບມື້ຫຼາຍຂຶ້ນ ເພື່ອຈຸດຄົ້ນລາຍຮັບເຂົ້າງົບປະມານຂອງລັດໃຫ້ໄດ້ຕາມແຜນ ແລະ ສຳເລັດຕາມລະດັບຄາດໝາຍທີ່ວາງໄວ້.

               ຂໍ້ມູນຈາກໜັງສືພິມ ວຽງຈັນໃໝ່, ສະບັບທີ 128.372 ວັນທີ 01/11/2016.

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top