----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082825
Today
Yesterday
This Week
Last Week
This Month
Last Month
All days
156
70
226
72672
2563
3536
82825
Your IP: 43.241.57.31
Server Time: 2017-12-18 12:54:28

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ເພື່ອເປັນການຊຸກຍູ້ສົ່ງເສີມໃຫ້ຄອບຄົວທີ່ເຮັດການຜະລິດກະສິກຳດ້ານການປູກຝັງ-ລັງສັດ ເພື່ອຈຳໜ່າຍເປັນສິນສິນຄ້າສົ່ງອອກຂາຍຕະຫຼາດ ແລະ ສ້າງລາຍຮັບທີ່ສາມາດເຮັດໃຫ້ຊີວິດການເປັນຢູ່ຂອງຄອບຄົວນັ້ນດີຂຶ້ນ ອີກທັງເປັນການປຸກລະດົມໃຫ້ປະຊາຊົນມີຄວາມກະຕືລືລົ້ນເອົາໃຈໃສ່ມຸງໜັ້ນເຂົ້າໃນການຜະລິດໃຫ້ມີຄວາມເຕີບໂຕທາງດ້ານປະລິມານ ແລະ ຄຸນນະພາບ ເພື່ອຮອງຮັບໃຫ້ກັບຕະຫຼາດ ຈຳໜ່າຍທີ່ມີລັກສະນະຮັບປະກັນຄວາມຖາວອນ.

          ວັນທີ 21 ຕຸລາ 2016 ທີ່ຜ່ານມາ ທາງຄະນະການນຳຂອງອົງການປົກຄອງເມືອງຫາກຊາຍຟອງ ນະຄອນຫຼວງວຽງຈັນ ນຳໂດຍທ່ານ ບຸນທາມ ພຸດທະວົງສາ ເຈົ້າເມືອງຫາດຊາຍຟອງ ແລະ ຄະນະວິຊາການຫ້ອງການກ່ຽວຂ້ອງໄດ້ຕິດຕາມລົງຊຸກຍູ້ຫົວໜ່ວຍການຜະລິດກະສິກຳປູກອ້ອຍຫວານຂາຍ (ອ້ອຍແດງ) ຂອງປະຊາຊົນຢູ່ບ້ານ ແກ້ງປາຢ້າງ ໂດຍມີນາຍບ້ານ ແລະ ເຈົ້າຂອງສວນອ້ອຍໃຫ້ການຕ້ອນຮັບພ້ອມດຽວກັນນັ້ນ ທ່ານເຈົ້າເມືອງ ແລະ ຄະນະກໍ່ໄດ້ຕິດຕາມເບີ່ງສະພາບຄົວຈິງຂອງສວນອ້ອຍ ໂດຍເຫັນວ່າຄອບຄົວຂອງຜູ້ປູກອ້ອຍ ແມ່ນມີຄວາມພະຍາຍາມສູງອົດທົນເອົາໃຈໃສ່ ແລະ ສູ້ຊົນເພື່ອເຮັດໃຫ້ຜົນຜະລິດທີ່ອອກມານັ້ນໄດ້ມີຄຸນນະພາບທີ່ເໝາະສົມ ແລະ ກໍ່ໄດ້ໃຫ້ຄຳຍ້ອງຍໍຊົມເຊີຍ ແລະ ພ້ອມທັງຊຸກຍູ້ໃຫ້ປະຊາຊົນຄອບຄົວຜູ້ເຮັດການຜະລິດປູກຝັງສືບຕໍ່ເອົາໃຈໃສ່ ໃຫ້ການຜະລິດໄດ້ສືບຕໍ່ເນື່ອງຢ່າງບໍ່ຢູດຢັ້ງ ພ້ອມດຽວກັນທາງທ່ານນາຍບ້ານກໍ່ໄດ້ໃຫ້ຮູ້ຕື່ມອີກວ່າພາຍໃນບ້ານດັ່ງກ່າວແມ່ນມີຄອບຄົວທີ່ຢືດຖືອາຊີບປູກອ້ອຍຂາຍທັງໝົດ 7 ຄອບຄົວ ແຕ່ລະຄອບຄົວແມ່ນປູກໃນເນື່ອທີ່ແຕກຕ່າງກັນ ແລະ ກໍ່ສາມາດເຮັດໃຫ້ຊີວິດການເປັນຢູ່ຂອງເຂົາເຈົ້ານັ້ນດີຂຶ້ນ ຈາກນັ້ນກໍ່ໄດ້ຕິດຕາມເບີ່ງສວນໝາກມັງກອນຂອງປະຊາຊົນຢູ່ບ້ານດອນຂາຊ້າຍ ແລະ ຟາມລ້ຽງໄກ່ຕົ້ນໂພທອງຂອງທ່ານ ອານຸກອນ ສີລັກສາ ຄອບຄົວຕົວແບບຢູ່ບ້ານດອນຂາຊ້າຍທີ່ເຮັດທຸລະກິດແບບຄອບຄົວດ້ວຍການລ້ຽງໄກ່ຂາຍຈຳໜ່າຍທົ່ວໄປທີ່ສາມາດສ້າງລາຍຮັບເຂົ້າໃນຄອບຄົວຈຳນວນບໍ່ໜ້ອຍປັດຈຸບັນ ມີໄກ່ທັງໝົດເກືອບ 300 ໂຕ ມີລູກຄ້າມາສັ່ງຊື້ເຖິງທີ່ ຫຼື ສົ່ງໃນລາຄາທີ່ເປັນກັນເອງ ທ່ານເຈົ້າຂອງຟາມລ້ຽງໄກ່ໄດ້ບອກວ່າ ນອກຈາກລ້ຽງໄກ່ແລ້ວຍັງໄດ້ລ້ຽງປານຳອີກ ໃນນັ້ນມີປານິນ ແລະ ປາອື່ນໆເປັນຈຳນວນຫຼາຍ ເພື່ອເປັນການແກ້ໄຂຊີວິດການເປັນຢູ່ທີ່ດີຂອງຄອບຄົວ ແລະ ທີ່ສຳຄັນຍັງມີໂຮງງານຜະລິດລູກຊີ້ນຈຳໜ່າຍຂາຍທົ່ວໄປອີກ ເຊີ່ງຕັ້ງຢູ່ບ້ານພ້າວເມືອງຫາດຊາຍຟອງ ນະຄອນຫຼວງວຽງຈັນ.

 

             ຂໍ້ມູນຈາກໜັງສືພິມສະບັບທີ 128.373 ວັນທີ 02 ພະຈິກ 2016

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top