----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082813
Today
Yesterday
This Week
Last Week
This Month
Last Month
All days
144
70
214
72672
2551
3536
82813
Your IP: 43.241.57.31
Server Time: 2017-12-18 12:51:41

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ກອງປະຊຸມກະສິກຳ-ປ່າໄມ້ ແລະ ພັດທະນາຊົນນະບົດປະຈຳປີ 2016  ຂອງກະຊວງກະສິກຳ ແລະ ປ່າໄມ້ ໄດ້ດຳເນີນເປັນເວລາ 2 ວັນເຕັມ ເຊີ່ງໄດ້ປິດລົງວັນທີ 28 ທັນວາ 2016 ທີ່ ສູນ (ICTC) ໂດຍເປັນປະທານຂອງທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້ ມີບັນດາຮອງລັດຖະມົນຕີ ບັນດາຮອງເຈົ້າແຂວງ ກົມ ຫ້ອງການ ສະຖາບັນສູນບັນດາພະແນກນັກທຸລະກິດ ແລະ ແຂກຖືກເຊີນກ່ຽວຂ້ອງເຂົ້າຮ່ວມ.

          ຕະຫຼອດໄລຍະ 2 ວັນຜ່ານມາ ກອງປະຊຸມໄດ້ພ້ອມກັນຄົ້ນຄວ້າປະກອບຄຳຄິດເຫັນຕໍ່ເອກະສານທີ່ສຳຄັນຕ່າງໆເຊັ່ນ: ການລາຍງານ 3 ບົດຕົ້ນຕໍ ທີ່ຍົກໃຫ້ເຫັນຜົນສຳເລັດທີ່ຕັ້ງໜ້າ ແລະ ໄດ້ກຳນົດທິດທາງໜ້າທີ່ມາດຕະການໃນການຈັດຕັ້ງປະຕິບັດ 3 ວຽກເສົາຄ້ຳຂອງກະຊວງ (ວຽກງານຜະລິດກະສິກຳ, ວຽກງານພັດທະນາປ່າໄມ້ແບບຍືນຍົງ ແລະ ວຽກງານພັດທະນາຊົນນະບົດລຶບລ້າງຄວາມທຸກຍາກ) ຕາງໜ້າກະຊວງຂະແນງການລາຍງານກ່ຽວກັບບົດຮຽນການສ້າງນະໂຍບາຍສົ່ງເສີມການຜະລິດກະສິກຳ ເຊີ່ງນອນຢູ່ໃນ 13+8 ນະໂຍບາຍທີ່ກ່ຽວພັນກັບຂະແນງການບັນດາຕົວແທນຂອງທ້ອງຖີ່ນໄດ້ລາຍງານກ່ຽວກັບຕົວແບບເພື່ອຢືນຢັັນຜົນງານພົ້ນເດັ່ນໃນການຈັດຕັ້ງປະຕິບັດ 4 ແຜນງານຍຸດທະສາດຕົ້ນຕໍຂອງຂະແໜງການ ພິເສດໃນກອງປະຊຸມຄັ້ງນີ້ໄດ້ຮັບກຽດຟັງການໂອ້ລົມໃຫ້ທິດຊີ້ນຳທີ່ສຳຄັນ ຈາກທ່ານນາຍົກລັດຖະມົນຕີ ແຫ່ງ ສປປ ລາວ.

          ໃນໂອກາດນີ້ ທ່ານລັດຖະມົນຕີໄດ້ສະເໜີໃຫ້ຜູ້ແທນກອງປະຊຸມໃຫ້ສືບຕໍ່ຜັນຂະຫຍາຍເນື້ອໃນຈິດໃຈກອງປະຊຸມຄັ້ງນີ້ ໃຫ້ເປັນແບບແຜນ ແຜນງານ ແລະ ມາດຕະການຈັດຕັ້ງປະຕິບັດໃຫ້ແທດກັບຕົວຈິງ ຕິດຕາມ ກວດກາຊຸກຍູ້ປະຕິບັດໃຫ້ເກີດດອກອອກຜົນ, ພ້ອມນີ້ກໍໃຫ້ເອົາໃຈໃສ່ໃນການຍົກລະດັບການດຳເນີນວຽກງານ 4 ຮ່ວມ 4 ປະສານ ລະຫວ່າງພາກລັດ ຜູ້ຜະລິດ ຜູ້ປະກອບການ ທະນາຄານ (ສະຖາບັນການເງິນຕ່າງໆ) ໃຫ້ກົມກຽວລ່ອງລຽນໄປລວງດຽວກັນ ແລະ ເອົາໃຈໃສ່ການສຳພັນຮ່ວມມືຢ່າງໃກ້ຊິດກັບບັນດາຂະແນງການ ແລະ ສະຖາບັນທີ່ສະໜອງທຶນ ລວມທັງການລົງທຶນຂອງພາກສ່ວນເອກະຊົນ ແລະ ຕາງປະເທດ ຜັນຂະຫຍາຍ 5 ວຽກຫຼັກ 13 ນະໂຍບາຍສຳລັບການຜະລິດເຂົ້າ ແລະ ພືດ 8 ວຽກຫຼັກ 8 ນະໂຍບາຍສຳລັບການລ້ຽງສັດ-ສັດນ້ຳ ແລະ 8 ນະໂຍບາຍສຳລັບການຄຸ້ມຄອງປ່າໄມ້ ໃຫ້ເປັນຮູບປະທຳທີ່ປະຕິບັດໄດ້ຢ່າງແທ້ຈີ່ງ ຫັນການຜະລິດເປັນຈຸດສຸມທີ່ເປັນທ່ານແຮງ ແລະ ໄດ້ປຽບມີການກຳນົດເຂດການຜະລິດສະເພາະ ຫັນໄປສູ່ອຸດສະຫະກຳປຸງແຕ່ງສິນຄ້າກະສິກຳ ສົ່ງເສີມການນຳໃຊ້ ວິທະຍາສາດ-ເຕັກນິກກົນຈັກເຂົ້າໃນການຜະລິດກະສິກຳໃຫ້ຫຼາຍຂຶ້ນ ເພື່ອຍົກສະມັດຖະພາບ ປະຢັດເວລາ ແລະ ແຮງງານຕ້ອງຕິດພັນກັບເຂດຜະລິດພັດທະນາ ຂະຫຍາຍແນວພັນສັດ ແລະ ສັດນ້ຳໃຫ້ແຂງແຮງຕື່ມ.

          ສຳລັບວຽກງານພັດທະນາຊົນນະບົດໃນສະເພາະໜ້າຮຽກຮ້ອງໃຫ້ແຕ່ລະພາກສ່ວນ ແຕ່ສູນກາງລົງຮອດທ້ອງຖີ່ນ ຕ້ອງເຮັດນ້າທີ່ສ້າງແຜນພັດທະນາໄປລວງດຽວກັນຕາມ 3 ປະເພດຈຸດສຸມທີ່ໄດ້ຮັບຮອງເອົາແລ້ວນັ້ນຄື: 91 ຈຸດສຸມພັດທະນາຊົນນະບົດ ແລະ ລຶບລ້າງຄວາມທຸກຍາກ 145 ຈຸດສຸມຈັດສັນພູມລຳເນົາຄົງທີ່ ແລະ ບ້ານທຳມາຫາກິນແບບຖາວອນ 213 ບ້ານຈຸດສຸມ ສ້າງຕົວເມືອງນ້ອຍໃນຊົນນະບົດ ໃຫ້ມີນັກຄົ້ນຄວ້າ ນັກວິທະຍາສາດຫຼາຍຂະແໜງການໃນໄລຍະຍາວ ສ້າງນັກວິຊາການໃຫ້ສູນບໍລິການເຕັກນິກ ຂັ້ນແຂວງ ສະຖານີ ສົ່ງເສີມເມືອງກຸ່ມບ້ານ ແລະ ຂະແໜງກ່ຽວຂ້ອງ ທີ່ກະຊວງຄຸ້ມຄອງສົມທົບກັບການສ້າງທີ່ຢູ່ບ້ານໃຫ້ພຽງພໍ.

 

          ຂໍ້ມູນຈາກໜັງສືພິມວຽງຈັນໃໝ່, ສະບັບທີ 128.414 ລົງວັນທີ 2 ມັງກອນ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top