----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000069847
Today
Yesterday
This Week
Last Week
This Month
Last Month
All days
32
43
520
60167
1729
2918
69847
Your IP: 43.241.57.31
Server Time: 2017-08-24 02:55:28

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ໂຄງການປູກຖົ່ວຂຽວເປັນສິນຄ້າດ້ວຍນະໂຍບາຍ 2 ບວກ 3 ຂອງບໍລິສັດ ພັນເພັດພັດທະນາກະສິກຳ ຈຳກັດຜູ້ດຽວ ເປັນໂຄງການໃໝ່ທີ່ໄດ້ລົງຊຸກຍູ້ສົ່ງເສີມຊາວກະສິກອນ ເມືອງຫາດຊາຍຟອງປາກງື່ມ ແລະ ເມືອງໄຊທານີ ນະຄອນຫຼວງວຽງຈັນ ປູກເປັນສິນຄ້າສະໜອງພາຍໃນ ແລະ ຕ່າງປະເທດ ຜ່ານການຈັດຕັ້ງປະຕິບັດຕົວຈິງເຫັນວ່າບໍ່ບັນລຸຕາມເນື້ອທີ່ແຜນການວາງໄວ້ ເນື່ອງຈາກເປັນໂຄງການໃໝ່ເຮັດໃຫ້ຊາວກະສິກອນຈຳນວນໜື່ງຍັງບໍ່ທັນເຂົ້າໃຈ ແລະ ບໍ່ທັນມີຄວາມພ້ອມທີ່ຈະເຂົ້າຮ່ວມໂຄງການ ແຕ່ຄາດວ່າລະດູຕໍ່ໄປຊາວກະສິກອນຈະເຂົ້າຮ່ວມໂຄງການຫຼາຍຂຶ້ນພາຍຫຼັງທີ່ເຫັນຜົນຜະລິດໄດ້ດີ ແລະ ມີລາຍຮັບເພີ່ມ.

          ທ່ານ ທອງສະຫວັນ ມີບຸນ ປະທານບໍລິສັດ ພັນເພັດພັດທະນາ ກະສິກຳ ຈຳກັດຜູ້ດຽວ ໄດ້ໃຫ້ສຳພາດວັນທີ 5 ມັງກອນ 2017 ຮູ້ວ່າ: ໂຄງການສົ່ງເສີມປູກຖົ່ວຂຽວເປັນສິນຄ້າເປັນໂຄງການໜື່ງທີ່ຈະຊ່ວຍສ້າງວຽກເຮັດງານທຳ ແລະ ສ້າງລາຍຮັບໃຫ້ແກ່ປະຊາຊົນ ກໍ່ຄື ຊາວກະສິກອນໃນຊ່ວງລະດູແລ້ງ ພາຍຫຼັງທີ່ສຳເລັດການເກັບກູ້ຜົນຜະລິດເຂົ້ານາປີ ເນື່ອງຈາກວ່າຖົ່ວຂຽວເປັນກຸນພືດທີ່ບໍ່ຕ້ອງການນ້ຳຫຼາຍບໍ່ໄດ້ໃສ່ຝຸ່ນເຄມີ ແລະ ມີອາຍຸສັ້ນກວ່າເຂົ້າ ນອກນີ້ຍັງເປັນພືດທີ່ປູກງ່າຍບໍ່ເລືອກດິນ ໂດຍສະເພາະແມ່ນເໝາະສົມກັບເນື້ອທີ່ການຜະລິດທີ່ບໍ່ສາມາດເຮັດນາແຊງໄດ້ຍ້ອນນ້ຳຊົນລະປຫະທານໄປບໍ່ຮອດບໍ່ເຖິງ ໂຄງການດັ່ງກ່າວຕາມແຜນການວາງໄວ້ເນື້ອທີ່ 500 ເຮັກຕາ ໄດ້ເລີ່ມສົ່ງເສີມປູກນັບແຕ່ທ້າຍເດືອນກັນຍາ 2016 ຫາ ຕົ້ນເດືອນມັງກອນ 2017 ແມ່ນໄດ້ປິດ ແລະ ຜ່ານການສະຫຼຸບເຫັນວ່າໃນເນື່ອທີ່ແຜນການສາດມາດປະຕິບັດໄດ້ 200 ເຮັກຕາໃນນັ້ນ ຊາວກະສິກອນເມືອງປາກງື່ມປູກຫຼາຍກວ່າໝູ່ປະມານ 80 ເຮັກຕາ ແລະ ຜ່ານການປູກລະດູທຳອິດເຫັນວ່າພືດດັ່ງກ່າວໄດ້ຮັບປະສິດທິຜົນສູງສົມຄວນໃຫ້ຜົນຜະລິດດີ ແລະ ເປັນລາຄາ ເຊີ່ງປະຈຸບັນຕະຫຼາດພາຍ ແລະ ຕ່າງປະເທດມີຄວາມຕ້ອງການສູງດັ່ງນັ້ນ ໃນທ້າຍປີ 2017 ທາງບໍລິສັດຈະສືບຕໍ່ຊຸກຍູ້ສົ່ງເສີມຊາວກະສິກອນທີ່ມີເງື່ອນໄຂເຂົ້າຮ່ວມໂຄງການປູກຖົ່ວຂຽວເປັນສິນຄ້າໃຫ້ຫຼາຍຂຶ້ນກວ່າເກົ່າ.

          ທ່ານ ທອງສະຫວັນ ມີບຸນ ຍັງໃຫ້ຮູ້ຕື່ມວ່າ: ສຳລັບການປັກດຳເຂົ້ານາແຊງປີ 2017 ປັດຈຸບັນຊາວກະສິກອນທີ່ເປັນສາມາຊິກຂອງບໍລິສັດ ພວມຂຸ້ນຂ້ຽວປັກດຳຢ່າງເປັນຂະບວນຟົດຟື້ນໃນເນື້ອທີ່ແຜນການ 500 ເຮັກຕາ ປັກດຳສຳເລັດແລ້ວເກືອບ 300 ເຮັກຕາ ແລະ ຄາດວ່າທ້າຍເດືອນມັງກອນ 2017 ນີ້ ການປັກດຳຈະສຳເລັດຕໍ່ກັບການນຳໃຊ້ເຄື່ອງຈັກກະສິກຳທັນສະໄໝເຂົ້າໃນການຜະລິດເຫັນວ່າຊາວກະສິກອນນັບມື້ໃຫ້ຄວາມສົນໃຈສູງ ເພື່ອຫັນໄປສຸ່ອຸດສະຫະກຳທັນສະໄໝເທື່ອລະກ້າວ ໃນອະນາຄົດຂ້າງໜ້າເຊື່ອງມັນສະແດງໃຫ້ເຫັນໃນຜ່ານມາມີແຕ່ຊາວກະສິກອນເມືອງຫາດຊາຍຟອງເທົ່ານັ້ນທີ່ເຂົ້າຮ່ວມໂຄງການ ແຕ່ມາຮອດລະດູນາແຊງປີ 2016 ໄດ້ມີຊາວກະສິກອນເມືອງໄຊເສດຖາສະໝັກເຂົ້າມາເປັນສະມາຊິກມີເນື້ອທີ່ 30 ເຮັກຕາ ແລະ ລຸດູນາແຊງປີ 2017 ນີ້ໄດ້ຂະຫຍາຍໄປເມືອງປາກງື່ມເຂດບ້ານຖີ່ນທ່ຽງຕື່ມອີກ.

 

          ຂໍ້ມູນຈາກໜັງສືພິມວຽງຈັນໃໝ່ ສະບັບທີ 128.418 ລົງວັນທີ 09 ມັງກອນ 2017.

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top