----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082705
Today
Yesterday
This Week
Last Week
This Month
Last Month
All days
36
70
106
72672
2443
3536
82705
Your IP: 43.241.57.31
Server Time: 2017-12-18 04:59:25

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ທ່ານ ໄມກອງ ພອນພົມມະວົງ ຫົວໜ້າກົມຊົນລະປະທານ ກະຊວງກະສິກຳ ແລະ ປ່າໄມ້ ແລະ ພັດທະນາຊົນນະບົດ ໄດ້ໃຫ້ຮູ້ເມື່ອບໍ່ດົນຜ່ານມາວ່າ: ເພື່ອຮັບປະກັນໃຫ້ແກ່ການຜະລິດສະບຽງອາຫານ ການຜະລິດກະສິກຳໃຫ້ໄດ້ຫຼາຍຈົນກາຍເປັນສິນຄ້າເພື່ອສົ່ງອອກ ແລະ ສ້າງລາຍຮັບໃຫ້ແກ່ຄອບຄົວຜູ້ປະກອບການກໍ່ຄື ປະເທດຊາດນັບມື້ຫຼາຍຂຶ້ນທັງປະກອບສ່ວນເຂົ້າໃນການລຶບລ້າງຄວາມທຸກຍາກໃຫ້ແກ່ພໍ່ແມ່ປະຊາຊົນບັນດາເຜົ່າໃນຂອບເຂດທົ່ວປະເທດ ຂະແໜງການຂອງພວກຂ້າພະເຈົ້າໄດ້ເປັນເຈົ້າການສຸມທຸກທ່າແຮງທຶນຮອນເຕັກນິກວິຊາການແນໃສ່ເພື່ອເຮັດໃຫ້ວຽກງານທີ່ພວກຕົນຮັບຜິດຊອບສາມາດຮັບປະກັນ ແລະ ຕອບສະໜອງໄດ້ກັບການຜະລິດກະສິກຳກໍ່ຄືການປູກການລ້ຽງ ທັງນີ້ກໍ່ຍ້ອນວ່ານ້ຳແມ່ນປັດໄຈໜື່ງທີ່ສຳຄັນໃນການດຳລົງຊີວິດຂອງມວນມະນຸດ ພືດຜັກ ສັດ ແລະ ອື່ນໆ ສະນັ້ນ ເວລາໃດຂະແໜງການຂອງພວກຂ້າພະເຈົ້າຈື່ງຖືສຳຄັນ ແລະ ເປັນບັນຫາອັນດັບໜື່ງ.

          ສຳລັບການຜະລິດກະສິກຳໃນລະດູແລ້ງປີນີ້ ມາຮອດປັດຈຸບັນ ບັນດາຊາວກະສິກອນ ໂດຍສະເພາະແມ່ນຊາວນາໃນຂອບເຂດທົ່ວປະເທດແມ່ນໄດ້ສຳເລັດໃນການປັກດຳນາແຊງ ປູກພືດຜັກໄມ້ໃຫ້ໝາກປະເພດຕ່າງໆເປັນທີ່ຮຽບຮ້ອຍແລ້ວ ເຊີ່ງຂະແໜງຊົນລະປະທານສາມາດຕອບສະໜອງນ້ຳເພື່ອຫົດເນື້ອທີ່ຂອງການຜະລິດໄດ້ທັງໝົດ 160.000 ເຮັດຕາ ໃນນີ້ນະເພາະປູກເຂົ້ານາແຊງແມ່ນມີເຖິງ 95.000 ເຮັກຕາ ທຽບໃສ່ປີຜ່ານມາເພີ່ມຂຶ້ນ 10% ຂອງເນື້ອທີ່ການຜະລິດ ແລະ ຄາດວ່າໃນປີນີ້ຈະສູ້ຊົນເຮັດໃຫ້ສະມັດຖະພາບບໍ່ໃຫ້ຫຼຸດ 4,5-5 ໂຕນຕໍ່ເຮັກຕາ ໃນນີ້ແມ່ນສຸມໃສ່ 10 ແຂວງທີ່ເປັນທົ່ງພຽງ ແລະ ມີເງື່ອນໄຂອັນເໝາະສົມໄດ້ແກ່ ແຂວງຫຼວງນ້ຳທາ ໄຊຍະບຸລີ ຊຽງຂວາງ ຫຼວງພະບາງ ວຽງຈັນ ບໍລິຄຳໄຊ ຄຳມ່ວນ ສະຫວັນນະເຂດ ສາລະວັນ ແລະ ແຂວງຈຳປາສັກ ພິເສດແມ່ນສຸມໃສ່ 2 ແຂວງຄື: ຄຳມ່ວນ ແລະ ສະຫວັນນະເຂດ ແນໃສ່ເພື່ອຄ້ຳປະກັນທາງດ້ານສະບຽງອາຫານໃຫ້ແກ່ປະເທດເຮົານອກຈາກການປູກເຂົ້າແລ້ວຍັງໄດ້ສຸມໃສ່ປູກພືດຜັກປະເທດຕ່າງໆ ເປັນຕົ້ນແມ່ນຜັກກາດ ສະຫຼັດ ຫອມບົ່ວ ຫອມປ້ອມ ຜັກທຽມ ໝາກໂມ ໝາກແຕງ ຜັກກະລ່ຳ ແລະ ພືດຜັກອື່ນໆ ເພື່ອບໍລິໂພກພາຍໃນໃຫ້ພຽງພໍ.

          ພ້ອມກັນນີ້ກໍສຸມໃສ່ປູກພືດອຸດສະຫະກຳເພື່ອສົ່ງອອກຕ່າງປະເທດເຊັ່ນ: ຢາສູບ ສາລີ ຖົ່ວເຫຼືອງ ຖົ່ວຂຽວ ແລະ ອື່ນໆ ເພື່ອປ້ອນເຂົ້າໂຮງງານຜະລິດຫົວອາຫານສັດເຊີ່ງມີຕະຫຼາດຕ້ອງການຫຼາຍທີ່ສຸດ ໂດຍສະເພາະ ແມ່ນບັນດາປະເທດເພື່ອນບ້ານໄດ້ແກ່ ໄທ ສສ ຫວຽດນາມ ສປຈີນ ແລະ ປະເທດອື່ນໆ ທັງນີ້ກໍ່ເພາະວ່າສິນຄ້າກະສິກຳຂອງປະເທດເຮົາເປັນກະສິກຳສະອາດ ປາສະຈາກສານເຄມີເຊັ່ນ: ເຂົ້າຈ້າວ ຫອມສະຫວັນ (ຫອມມະລິ) ສປ ຈີນ ຮັບຊື້ກິໂລລະ 8 ໂດລາ ສຳລັບປີນີ້ສາມາດສົ່ງອອກໄດ້ພຽງແຕ່ 500.000 ໂຕນ ແລະ ຍັງບໍ່ສາມາດຕອບສະໜອງໄດ້ກັບຄວາມຮຽກຮ້ອງຕ້ອງການຂອງຕ່າງປະເທດຢ່າງພຽງພໍ ສະນັ້ນພັກ-ລັດຖະບານ ໂດຍແມ່ນກະຊວງກະສິກຳ ແລະ ປ່າໄມ້ ແລະ ພັດທະນາຊົນນະບົດມີນະໂຍບາຍພິເສດທັງສົ່ງເສີມທາງດ້ານແນວພັນ ເຕັກນິກວິຊາການສະເພາະດ້ານ ໂດຍເລັ່ງໃສ່ສິນຄ້າທີເປັນທ່າແຮງ ແລະ ມີຄວາມຕ້ອງການຂອງຕະຫຼາດ ທັງພາຍໃນ ແລະ ຕ່າງປະເທດ ໂດຍສະເພາະແມ່ນເຂົ້າຈ້າວຫອມສະຫວັນ ເຂົ້າໄກ່ນ້ອຍ ກໍ່ຄື ສິນຄ້າກະສິກຳອື່ນໆຈະສຸມໃສ່ປູກໃຫ້ໄດ້ຫຼາຍໃນບ່ອນທີ່ມີເງື່ອນໄຂເພື່ອໃຫ້ກາຍເປັນສິນຄ້າຫຼັກໃນການສົ່ງອອກສິນຄ້າກະສິກຳຂອງລາວເຮົາ ແນໃສ່ ເພື່ອແຂ່ງຂັນກັບບັນດາປະເທດໃນພາກພື້ນ ທັງເປັນການສ້າງລາຍຮັບເຂົ້າປະເທດຂອງພວກເຮົາອີກດ້ວຍ.

          ປັດຈຸບັນທົ່ວປະເທດມີລະບົບຊົນລະປະທານປະເພດຕ່າງໆທັງໝົດ 8.845 ແຫ່ງ ໃນນີ້ທັງລະບົບທີ່ສູບດ້ວຍໄຟຟ້າ ຈັກນ້ຳມັນ  ແລະ ນ້ຳໄຫຼເຂົ້າເອງ ຫຼື ເອີ້ນວ່າຝາຍນ້ຳລົ້ນເປັນຈຳນວນຫຼວງຫຼາຍ ແລະ ສາມາດຮອງຮັບ ແລະ ຕອບສະໜອງໄດ້ກັບຄວາມຮຽກຮ້ອງຕ້ອງການຂອງຊາວກະສິກອນ ຜູ້ມີຄວາມມັກຮັກໃນການປູກຝັງ ເຊີ່ງແມ່ນອາຊີບເກົ່າແກ່ ແລະ ເປັນອາຊີບຫຼັກຂອງປະຊາຊົນລາວ ແລະ ວຽກງານກະສິກຳກໍແມ່ນວຽກງານຫຼັກ ທັງເປັນວຽກງານພື້ນຖານສຳລັບການລືບລ້າງຄວາມທຸກຍາກ ຖ້າຫາກຄອບຄົວຫາກມີຢູ່ມີກິນຢ່າງພຽງພໍກໍ່ຈະເຮັດໃຫ້ອັດຕາຄວາມທຸກຍາກນັບມື້ຫຼຸດລົງຕາມລຳດັບ ແລະ ການສ້າງສາພັດທະນາປະເທດຊາດກໍ່ຈະກ້າວໄປຂ້າງໜ້າຢ່າງໜັກແໜ້ນເຂັ້ມແຂງ.

          ທ່ານຫົວໜ້າກົມຊົນລະປະທານຍັງໄດ້ຮຽກຮ້ອງມາຍັງພໍ່ແມ່ປະຊາຊົນກໍ່ຄືຊາວກະສິກອນບັນດາເຜົ່າ ຈົ່ງພ້ອມກັນຂຸ້ນຂ້ຽວເອົາໃຈໃສ່ໃນການຜະລິດກະສິກຳຢ່າງເປັນເຈົ້າການ ເມື່ອປັກດຳ ຫຼື ປູກຝັງສຳເລັດແລ້ວກໍ່ຕັ້ງໜ້າບົວລະບັດຮັກສາ ໂດຍສະເພາະແມ່ນເອົາໃຈໃສ່ເບີ່ງແຍງລະບົບນ້ຳເພື່ອຫຼໍ່ລ້ຽງລຳຕົ້ນເຂົ້າ ແລະ ພືດຜັກໝາກໄມ້ໃຫ້ພຽງພໍ ແລະ ສະໝ່ຳສະເໜີ ໝັ່ນກຳຈັດສັດຕູພືດສຳຫຼວດກວດກາເບີ່ງລະບົບຊົນລະປະທານສີ່ງໃດມັນແຕກແຫງ ຫຼື ເປ່ເພກໍ່ພ້ອມກັນເປັນເຈົ້າການສ້ອມແປງໃຫ້ທ່ວງທັນ ທັງນີ້ກໍ່ເພື່ອຮັບປະກກັນເຮັດໃຫ້ຜົນຜະລິດທີ່ຕົນໄດ້ສຸມທຶນຮອນ ແລະ ເຫື່ອແຮງລົງໄປນັ້ນໄດ້ມີປະສິດທິພາບ ແລະ ປະສິດທິຜົນສູງ.

 

               ຂໍ້ມູນຈາກໜັງພິມວຽງຈັນໃໝ່, ສະບັບທີ 128.429 ລົງວັນທີ 24 ມັງກອນ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top