----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000069892
Today
Yesterday
This Week
Last Week
This Month
Last Month
All days
77
43
565
60167
1774
2918
69892
Your IP: 43.241.57.31
Server Time: 2017-08-24 03:06:10

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ທ່ານ ບົວຄຳ ສີສົງຄາມ ຮອງເຈົ້າເມືອງສັງທອງ ນະຄອນຫຼວງວຽງຈັນ ຜູ້ຊີ້ນຳວຽກງານເສດຖະກິດ ກ່າວວ່າ: ການສົ່ງເສີມການຜະລິດກະສິກຳໃນລະດູແລ້ງປີ 2017  ນີ້ ສະພາບລວມຢູ່ເມືອງສັງທອງ ມີເນື້ອທີ່ທັງໝົດ 75 ພັນກວ່າເຮັກຕາ ໃນນັ້ນເນື່ອທີ່ກະສິກຳ ກວມເອົາປະມານ 45-50% ໃນນັ້ນມີເນື້ອທີ່ນາເນື່ອທີ່ການຜະລິດ ລະດູນາປີມີປະມານ 8.000 ເຮັກຕາ ສະເພາະປີ 2017 ມີ 645 ເຮັກຕາ ມາຮອດປັດຈຸບັນ ທົ່ວເມືອງສາມາດປະຕິບັດໄດ້ພຽງແຕ່ 8% (ນາແຊງ) ອັນເນື່ອງມາຈາກບັນຫາກ່ຽວກັບລະບົບຈັກສູບນ້ຳບໍ່ສາມາດສະໜອງນ້ຳໃຫ້ແກ່ພໍ່ແມ່ປະຊາຊົນໄດ້ ເຮັດໃຫ້ການຜະລິດບໍ່ໄດ້ຕາມແຜນການ.

          ສະເພາະໂຄງການຊົນລະປະທານນາສາວນາງ ໄດ້ຮັບການຊຸກຍູ້ສົ່ງເສີມສະນັບສະໜູນຈາກກອງທຶນ ເຄເອບດັບເບັນຢູ ເຊີ່ງແມ່ນກົມຊັບພະຍາກອນນ້ຳ ກະຊວງຊັບພະຍາກອນທຳມະຊາດ ແລະ ສີ່ງແວດລ້ອມ ສົມທົບກັບກະຊວງກະສິກຳ ແລະ ປ່າໄມ້ ແລະ ກົມສົ່ງເສີມກະສິກຳ ສະຫະກອນ ໄດ້ປະສານງານພ້ອມຮັບທຶນມາສ້າງໂຄງການນີ້ຂຶ້ນ ມູນຄ່າປະມານ 3 ແສນກວ່າໂດລາ ໃນເນື້ອທີ່ສະໜອງນ້ຳນາປີ ສາມາດສະໜອງນ້ຳໄດ້ 100 ກວ່າເຮັກຕາ ນາແຊງປະມານ 55 ເຮັກຕາ ພືດຈຳນວນໜື່ງປະມານ 15-20 ເຮັກຕາ ສະເພາະປີ 2017 ນີ້ ປະຊາຊົນປັກດຳນາແຊງໄດ້ 18 ກວ່າເຮັກຕາ ແລະ ພືດເປັນໝາກໂມ 3 ເຮັກຕາໝາກແຕງເຄືອ 2 ເຮັກຕາ.

          ຢ່າງໃດກໍ່ຕາມ ເມືອງສັງທອງຈະຕ້ອງໄດ້ເອົາໃຈໃສ່ສືບຕໍ່ສົ່ງເສີມການຜະລິດກະສິກຳໃຫ້ສອດຄ່ອງກັບຄຳທີ່ວ່າ: ເສີມຂະຫຍາຍມູນເຊື້ອເມືອງວິລະຊົນ ສ້າງເມືອງສັງທອງໃຫ້ເຂັ້ມແຂງຮອບດ້ານ ສ້າງເປັນເມືອງກະສິກຳສະອາດປອດສານພິດ ຕິດພັນກັບການທ່ອງທ່ຽວທາງດ້ານປະຫວັດສາດ ແລະ ທຳມະຊາດ ເຊີ່ງໄດ້ແບ່ງການຜະລິດໄວ້ເປັນ 3 ເຂດຄື: ແຖວເລາະແຄມຂອງແມ່ນການບໍລິການທາງດ້ານຮ້ານອາຫານ ໂຮງແຮມ ນ້ຳສັງເປັນເຂດປູກພືດອຸດສະຫະກໍາ ແລະ ລ້ຽງສັດໃຫຍ່ ທ່ອງທ່ຽວທາງດ້ານທຳມະຊາດ ນ້ຳຕອນເປັນບ່ອນປູກເຂົ້າອິນຊີ ພືດຜັກປອດສານພິດ ທ່ອງທ່ຽວທາງດ້ານປະຫວັດສາດ ຕິດພັກັບການທ່ອງທ່ຽວພູພະນັງ ສະນັ້ນປະຊາຊົນພວມເລີ່ມຈັດຕັ້ງປະຕິບັດ ແຕ່ຍັງມີອັນຄົງຄ້າງຄືຮີດຄອງເດີມຂອງເຂົາເຈົ້າ ໂດຍສະເພາະເວົ້າເລື່ອງການລ້ຽງສັດຍັງລ້ຽງແບບຄອງເດີມ ຮອດເດືອນ 11 ຂຶ້ນໄປແລ້ວແມ່ນປ່ອຍສັດຊະຊາຍ ໂດຍບໍ່ລ້ຽງເປັນຟາມປ່ອຍໄປຕາມທຳມະຊາດ.

          ເພາະສະນັ້ນທາງເມືອງໄດ້ມີແຜນໄວ້ຄື: ຈະເຮັດເປັນກຸ່ມການຜະລິດພືດ ເຂົ້າ ກຸ່ມລ້ຽງສັດ ປູກຫຍ້າລ້ຽງສັດ ປັດຈຸບັນທົ່ວເມືອງປູກຫຍ້າໄດ້ແລ້ວ 100 ກວ່າເຮັກຕາ ໃນນັ້ນ ມີຫຍ້າລູຊີ ຫຍ້າເນເປຍ ຫຍ້າກີ່ນີ ແລະ ຫຍ້າທຳມະຊາດອື່ນໆ ແລະ ຈະເຮັດໃຫ້ປະຊົນເຮັດຕາມເຕັກນິກຕາມນະໂຍບາຍຂອງເມືອງວາງໄວ້ ແລະ ຈະສ້າງບ້ານນາສາວນາງໃຫ້ເປັນບ້ານກະສິກຳ ດັ່ງນັ້ນ ຮຽກຮ້ອງໃຫ້ປະຊາຊົນ ທະຫານ ຕຳຫຼວດ ໃຫ້ເຫັນຄວາມສຳຄັນ ໃນການພັດທະນາໄປຕາມທິດຍືນຍົງສີຂຽວ ເຮັດໃຫ້ເປັນມິດກັບສີ່ງແວດລ້ອມໃຫ້ມີສ່ວນຮ່ວມໃນການພັດທະນາເມືອງສັງທອງໃຫ້ມີລາຍຮັບດີຂຶ້ນ ຮອດປີ 2020 ໃຫ້ປະຊາຊົນມີລາຍຮັບ 1.700-2.000 ໂດລາຕໍ່/ຄົນ/ປີ ແລະ ຊ່ວຍຊຸກຍູ້ໃຫ້ພໍ່ແມ່ປະຊາຊົນເຂົ້າໃຈນະໂຍບາຍ ເຂົ້າໃຈກົດໝາຍໃຫ້ຫຼາຍຂຶ້ນຕື່ມອີກ.

 

ຂໍ້ມູນຈາກໜັງສືພິມ ວຽງຈັນໃໝ່ ສະບັບທີ 128.445, ລົງວັນທີ 16 ກຸມພາ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top