----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000075865
Today
Yesterday
This Week
Last Week
This Month
Last Month
All days
91
32
164
66414
1787
2920
75865
Your IP: 43.241.57.31
Server Time: 2017-10-18 05:43:27

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

           ສະຫະພັນກຳມະບານກະຊວງກະສິກຳ ແລະ ປ່າໄມ້ ເປັນໜື່ງໃນສາມອົງການຈັດຕັ້ງມະຫາຊົົນທີ່ເຄື່ອນໄຫວພາຍໃຕ້ການຊີ້ນຳ-ນຳພາຂອງຄະນະພັກກະຊວງ ແລະ ສູນກາງສະຫະພັນກຳມະບານລາວ ມີການພົວພັນປະສານສົມທົບຄຽງບ່າຄຽງໄຫຼ່ກັບອົງການຈັດຕັ້ງຊາວໜຸ່ມ ແມ່ຍິງຂັ້ນກະຊວງ ບົນພື້ນຖານຫຼັກການລວມສູນປະຊາທິປະໄຕ ແລະ ສະເໜີພາບຊື່ງເຮັດໃຫ້ວຽກງານແຕ່ລະດ້ານໄດ້ຮັບການພັດທະນາເປັນກ້າວໆ.

          ຕະຫຼອດໄລຍະຜ່ານມາ ສະຫະພັນກຳມະບານກະຊວງດັ່ງກ່າວໄດ້ເປັນເຈົ້າການໃນການເຂົ້າຮ່ວມການຕິດຕາມ ກວດກາ ຄຸ້ມຄອງລັດ ຄຸ້ມຄອງເສດຖະກິດ ວັດທະນະທຳສັງຄົມ ຄະນະສະຫະພັນກຳມະບານກະຊວງກະສິກຳ ແລະ ປ່າໄມ້ກໍ່ຄື ກຳມະບານບັນດາກົມອ້ອມຂ້າງໄດ້ເປັນກຳລັງແຮງໃນການຈັດຕັ້ງຜັນຂະຫຍາຍມະຕິຂອງພັກ ແຜນການຂອງອົງການປົກຄອງໂດຍຕິດພັນກັບຂໍ້ແຂ່ງຂັນ 5 ເປັນເຈົ້າ ແລະ ແຜນງານຄ້ຳປະກັນສະບຽງອາຫານແຜນງານຜະລິດເປັນສິນຄ້າແຜນງານຄຸ້ມຄອງປ່າໄມ້ແບບຍືນຍົງ ແຜນງານພັດທະນາສິນຄ້າ ແລະ ລຶບລ້າງຄວາມທຸກຍາກ ໂດຍສຸມໃສ່ວຽກງານການປູກຝັງລ້ຽງສັດ ແລະ ການຄຸ້ມຄອງປ່າໄມ້ ດ້ານພື້ນຖານໂຄງລ່າງຊົນລະປະທານ ການຄົ້ນຄວ້າທົດລອງກະສິກຳ ແລະ ປ່າໄມ້ ການຄຸ້ມຄອງ ພັດທະນາວຽກທີ່ດິນກະສິກຳຕ່າງໆ ພ້ອມນີ້ກໍ່ສ້າງຫ້ອງການ ສູນວິຊາການ ໂດຍສົມທົບກັບຮາກຖານເພື່ອຕິດຕາມການຊຸກຍູ້ການຜະລິດໃນແຕ່ລະຂົງເຂດ.

          ສ່ວນວຽກງານການລ້ຽງສັດ ແລະ ການປະມົງ ສະມາຊິກກຳມະບານໄດ້ຕັ້ງໜ້າປະຕິບັດວຽກງານວິຊາສະເພາະຂອງຕົນຢ່າງຕັ້ງໜ້າເຊັ່ນ: ຜະລິດຢາປ້ອງກັນພະຍາດສັດໄດ້ 1.290.300 ເຂັມ ຈັດສົ່ງຢາວັກແຊງໃຫ້ຜູ້ປະກອບການຢູ່ບັນດາແຂວງຕ່າງໆໄດ້ ຈຳນວນ 656.000 ເຂັມສັກຢາ ປ້ອງກັນສັດໄດ້ທັງໝົດ 277.390 ໂຕ ປີ່ນປົວສັດທົ່ວໄປໄດ້ 25.827 ໂຕເປັນເຈົ້າການຊຸກຍູ້ສົ່ງເສີມທ້ອງຖີ່ນປູກໄມ້ໃນວັນປູກຕົ້ນໄມ້ແຫ່ງຊາດໄດ້ 24 ພັນເຮັກຕາ ປ່ອຍປາ ແລະ ນານຸຮັກສັດນ້ຳ-ສັດປ່າຄືນສູ່ທຳມະຊາດໄດ້ 41 ລ້ານກວ່າໂຕ ເຂົ້າຮ່ວມຂະບວນການຍ່າງເພື່ອສຸຂະພາບເນື່ອງໃນວັນກຳມະກອນສາກົນມີຜູ້ເຂົ້າຮ່ວມ 300 ຄົນ.

          ສຳລັບວຽກງານການສົ່ງເສີມສັດ ແລະ ຜະລິດຕະພັນສັດເປັນເຈົ້າການໃນການຕິດຕາມກວດກາດ້ານສຸຂະອະນາໄມສັດຢູ່ບັນດາໂຮງຂ້າສັດທົ່ວປະເທດຈຳນວນ 62.756 ໂຕ ຕິດຕາມການນຳເຂົ້າແນວພັນສັດຈຳນວນ 13.809 ໂຕ ຕິດຕາມການສົ່ງອອກເປັນສິນຄ້າໄປຕ່າງປະເທດຢູ່ດ່ານຕ່າງໆໃນທົ່ວປະເທດທັງໝົດ 5.318 ໂຕ ຕິດຕາມ ແລະ ກຳຈັດຕັກແຕນຝຸງໄມ້ປ່ອງລົງສົມທົບກັບທ້ອງຖີ່ນຮາກຖານຂອງບັນດາແຂວງ ເມືອງ ທີ່ມີການລະບາດຝູງໄມ້ປ່ອງປັດຈຸບັນມີ 4 ແຂວງ 16 ເມືອງ ທີ່ເກີດມີການລະບາດຂອງຕັກແຕນ ນອກຈາກນີ້ກໍ່ໄດ້ເອົາໃຈໃສ່ຄົ້ນຄວ້າປັບປຸງບັນດາກົດໝາຍເຊັ່ນ: ກົດໝາຍວ່າດ້ວຍການປ້ອງກັນພືດ ວ່າດ້ວຍການລ້ຽງສັດ ແລະ ສັດຕະວະແພດ ດຳລັດວ່າດ້ວຍຢາປາບສັດຕູພືດ ວ່າດ້ວຍທີ່ດິນກະສິກຳ ຂໍ້ຕົກລົງວ່າດ້ວຍມາດຕະຖານການສ້າງຟາມລ້ຽງປາ ການຄຸ້ມຄອງຟາມລ້ຽງປາ ແລະ ສັດນ້ຳ ລະບຽບການນຳເຂົ້າ ແລະ ສົ່ງຜ່ານສັດນ້ຳ ຜະລິດຕະພັນສັດນ້ຳ ການປັບປຸງລາຄາຫົວໜ່ວຍການກໍ່ສ້າງຊົນລະປະທານ ແລະ ຮ່າງພາລະບົດບາດການສ້າງສະມາຄົມຢາງພາລາທັງໝົດທີ່ກ່າວມານັ້ນແມ່ນຜົນງານການປະກອບສ່ວນຂອງສະມາຊິກກຳມະບານ ກະຊວງກະສິກຳ ແລະ ປ່າໄມ້ ໃນຖານະທີ່ເປັນຕົວແທນໃຫ້ຊົນຊັ້ນກຳມະກອນ ແລະ ຊາວຜູ້ອອກແຮງງານລາວ.

          ຂໍ້ມູນຈາກໜັງສືພິມວຽງຈັນໃໝ່, ສະບັບທີ 128.455, ລົງວັນທີ 01 ມີນາ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top