----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082745
Today
Yesterday
This Week
Last Week
This Month
Last Month
All days
76
70
146
72672
2483
3536
82745
Your IP: 43.241.57.31
Server Time: 2017-12-18 05:09:16

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ບົວລະພາກະສິກຳ-ປ່າໄມ້ຈຳກັດ ເປັນບໍລິສັດທີ່ໄດ້ຮັບການສ້າງຕັ້ງຂຶ້ນໃນປີ 1993 ແລະ ເຄື່ອນໄຫວທຸລະກິດປູກໄມ້ອຸດສະຫະກຳ ແລະ ໄມ້ປຸງແຕ່ງ ເພື່ອສົ່ງອອກຕ່າງປະເທດເປັນຕົ້ນຕໍໂດຍໄດ້ເອົາໃຈໃສ່ປູກໄມ້ດ້ວຍຫຼາຍຮູບແບບ ທັງຮູບແບບສຳປະທານທີ່ດິນນຳລັດ ແລະ ຮູບແບບມີສ່ວນຮ່ວມກັບປະຊາຊົນຕິດພັນກັບການປູກໄມ້ໃຫ້ເປັນປ່າຕາມແນວທາງນະໂຍບາຍຂອງພັກ-ລັດຖະບານ ໃນການຟື້ນຟູປ່າໄມ້ໃຫ້ໄດ້ລະດັບການປົກຫຸ້ມ 70% ໃນປີ 2020 ເພື່ອຮັກສາສີ່ງແວດລ້ອມແຫຼ່ງນ້ຳ ແລະ ດິນໃຫ້ມີຄວາມອຸດົມສົມບູນ ບໍ່ສະເພາະສ້າງໃຫ້ປະເທດລາວກາຍເປັນປະເທດສີຂຽວແລ້ວຍັງປະກອບສ່ວນສ້າງຄວາມອຸດົມສົມບູນໃຫ້ຊັບພະຍາກອນປ່າໄມ້.

          ການດຳເນີນທຸລະກິດຂອງບໍລິສັດໃນໄລຍະຜ່ານມາເຫັນວ່າປກະສົບຜົນສຳເລັດທຸລະກິດເຕີບໃຫຍ່ຂະຫຍາຍຕົວ ເນື້ອທີ່ປູກໄມ້ເພີ່ມຂຶ້ນ ແລະ ມີຕະຫຼາດສົ່ງອອກຫຼາຍກວ່າ 20 ປະເທດ ນອກນີ້ຍັງສ້າງລາຍຮັບໃຫ້ລັດສ້າງວຽກເຮັດ ແລະ ສ້າງລາຍຮັບໃຫ້ປະຊາຊົນຕື່ມອີກຈາກການປູກໄມ້ສະໜອງໃຫ້ບໍລິສັດ.

          ທ່ານ ນາງ ສຸໄພວັນ ທ່ຽງຈັນໄຊ ຮອງຜູ້ອຳນວຍການບໍລິສັດ ບົວລະພາກະສິກຳ-ປ່າໄມ້ ໄດ້ໃຫ້ສຳພາດວັນທີ 21 ກຸມພາ 2017 ວ່າ: ບໍລິສັດໄດ້ປູກໄມ້ມາແຕ່ປີ 1993  ແລະ ກໍ່ສ້າງໂຮງເລື່ອຍໂຮງງານເຟີນີເຈີ ເພື່ອນຳໄມ້ເຊັ່ນ: ໄມ້ວິກ, ໄມ້ສັກ ແລະ ໄມ້ກະຖິນນາລົງທີ່ບໍລິສັດລົງທຶນປູກໄປນັ້ນເຂົ້າໃນຂັ້ນຕອນການຜະລິດກ່ອນຈຳໜ່າຍ ແລະ ສົ່ງອອກ ສ່ວນຕະຫຼາດຫຼັກໆໃນການສົ່ງອອກແມ່ນປະເທດ ມາລດິຟ ສະຫະລັດອາເມຣິກາ ນີວເຊີແລນ ໄທ ແລະ ປະເທດອື່ນໆ ເຮັດໃຫ້ໄລຍະຜ່ານມາທຸລະກິດແມ່ນເດີນໜ້າໄປໄດ້ດີສົມຄວນ.

          ມາຮອດປີ 2011 ບໍລິສັດໄດ້ດຶງດູດນັກທຸລະກິດຕ່າງປະເທດມາລົງທຶນນຳ ແລະ ໄດ້ລົງທຶນເພື່ອເພີ່ມເນື້ອທີ່ປູກໄມ້ໃນປີ 2012 ຈົນເຖິງປັດຈຸບັນບໍລິສັດມີເນື້ອທີ່ປູກໄມ້ຫຼາຍກວ່າ 3.000 ເຮັກຕາ ແລະ ຍັງມີແຜນຂະຫຍາຍປູກໄປເລື້ອຍໆ ເນື່ອງຈາກວ່າບໍລິສັດພວກເຮົາມີແຜນລົງທຶນສ້າງໂຮງງານອຸດສະຫະກຳຕື່ມອີກ ເປັນຕົ້ນ ໂຮງງານກັ່ນຊີວະພາບ ໂຮງງານໄມ້ອັດ ແລະ ໂຮງງານຝານໄມ້ ໂດຍນຳໃຊ້ໄມ້ປູກ ເພື່ອຜະລິດສົ່ງອອກໄປຍັງຕະຫຼາດປະເທດຈີນເປັນຕົ້ນຕໍ ຄຽງຄູ່ກັບແຜນງານກໍ່ສ້າງໂຮງງານແຫ່ງຕ່າງໆບໍລິສັດຍັງຈະໄດ້ຂະຫຍາຍເນື້ອທີ່ປູກໄມ້ອອກຕື່ມ ໂດຍມີຄວາມຕ້ອງການເນື້ອທີ່ປູກໄມ້ຢ່າງໜ້ອຍ 50.000 ເຮັກຕາຂຶ້ນໄປ ເພື່ອຜະລິດວັດຖຸດິບສະໜອງໃຫ້ບັນດາໂຮງງານທີ່ຈະສ້າງຂຶ້ນໃໝ່ນັ້ນໃຫ້ພຽງພໍ ນອກນັ້ນ ບໍລິສັດພວກເຮົາກຳລັງຂຽນໂຄງການປູກໄມ້ໃຫ້ເປັນປ່າຮ່ວມກັບລັດຖະບານເປົ້າໝາຍຂອງບໍລິສັດ ເພື່ອປູກໄມ້ເນື້ອທີ່ 60.000 ເຮັກຕາ ເພື່ອສະເໜີລັດຖະບານ ເຊີ່ງຮູບການລົງທຶນມີ 3 ຮູບແບບຄື: ຮູບການທີ່ໜື່ງແບບເຊົ່າ ຫຼື ສຳປະທານທີ່ດິນນຳລັດ ຮູບການທີສອງແບບຮ່ວມທຶນກັບລັດຖະບານ ແລະ ຮູບການທີສາມ ປູກປ່າທຳມະຊາດ ເຊີ່ງເນື້ອທີ່ປູກແມ່ນເລັ່ງໃສ່ດິນຊຸດໂຊມ ດິນປ່າເລົ່າ ແລະ ດິນຫວ່າງເປົ່າ ຄຽງຄູ່ກັບປູກໄມ້ທຳມະຊາດເປັນຕົ້ນ ໄມ້ດູ່ ໄມ້ແຕ້ ໄມຍາງ ແລະ ໄມ້ອື່ນໆ ຈຳນວນເນື້ອທີ່ 6% ຂອງເນື້ອທີ່ລັດມອບໝາຍໃຫ້ ໂດຍບໍລິສັດຈະເປັນຜູ້ປົກປັກຮັກສາ ແລະ ບົວລະບັດຈົນກວ່າຕົ້ນໄມ້ຈະລອດຕາຍປະມານ 6-7 ປີ ເຊີ່ງຈະສາມາດເພີ່ມພື້ນທີ່ສີຂຽວຂອງປ່າໄມ້ອອກຕື່ມອີກ.

          ໃນໄລຍະຜ່ານມາກໍ່ຄືປັດຈຸບັນບໍລິສັດໄດ້ເອົາໃຈໃສ່ຢ່າງຕັ້ງໜ້າໃນການປູກໄມ້ຢ່າງບໍ່ຢູດຢັ້ງເພື່ອຜະລິດສິນຄ້າສົ່ງອອກ ແລະ ກໍ່ເປັນໂອກາດດີທີ່ມາຮອດກາງປີ 2016 ລັດຖະບານໄດ້ມີຄຳສັງເລກທີ 15/ນຍ ເຫັນໄດ້ວ່າມີຄວາມສອດຄ່ອງກັບເປົ້າໝາຍຂອງບໍລິສັດ ບົວລະພາກະສິກຳ-ປ່ໄມ້ ຈຳກັດ ເຊີ່ງຄຳສັ່ງສະບັບດັ່ງກ່າວ ໄດ້ເຮັດໃຫ້ບໍລິສັດມີວັດຖຸດິບພຽງພໍສະໜອງໃຫ້ໂຮງງານຜະລິດທັງເຟີນີເຈີ້ ແລະ ໄມ້ກົບ 4 ໜ້າ ທີ່ມີຂະໜາດ 2,5x15 , 5x15ຊັງຕີແມັດ ແລະ ຍາວ 250 ຊັງຕີແມັດ ແລະ ຍາວ 250 ຊັງຕີແມັດ ເຊີ່ງຈະເປັນໂອກາດຂອງທຸລະກິດໄມ້ໃນການຄົ້ນຫາແຫຼ່ງວັດຖຸດິບ ສະໜອງເຂົ້າໃນຂັ້ນຕອນການຜະລິດ.

          ທ່ານ ນາງ ສຸໄພວັນ ທ່ຽງຈັນໄຊ ຍັງກ່າວຕື່ມວ່າ: ຄຳສັ່ງສະບັບດັ່ງກ່າວ ເຖິງແມ່ນວ່າໄດ້ກະທົບຕໍ່ການສົ່ງອອກຂອງບໍລິສັດ ໂດຍສະເພາະ ຂະໜາດນີ້ 5x15 ຊັງຕີແມັດ ແລະ ຍາວ 250 ນັ້ນຍັງບໍ່ສາມາດສົ່ງອອກໄດ້ເນື່ອງຈາກຄວາມໜາຂອງຜະລິດຕະພັນໄມ້ທີ່ລະບຸຢູ່ໃນລາຍການຂອງຄຳສັ່ງສະບັບດັ່ງກ່າວ ຢ່າງໃດກໍຕາມດ້ວຍຄວາມເຊື່ອໝັ້ນຕໍ່ແນວທາງນະໂຍບາຍຂອງພັກ-ລັດ ບັນຫາດັ່ງກ່າວກໍ່ຈະສາມາດແກ້ໄຂລົງໄດ້ ພ້ອມນັ້ນບໍລິສັດພວກເຮົາກໍ່ຈະສູ້ຊົນພັດທະນາເຮັດໃຫ້ທຸລະກິດເຕີບໃຫຍ່ເຂັ້ມແຂງ ແຕ່ກ່ອນຈະໄປເຖິງຈຸດນັ້ນກໍ່ຕ້ອງໄດ້ຮັບແຮງສະໜັບສະໜູນຈາກລັດຖະບານ ໂດຍສະເພາະການສົ່ງເສີມຜະລິດຕະພັນໄມ້ປູກຄວນມີນິຕິກຳທີ່ຈະແຈ້ງລະຫວ່າງໄມ້ປູກ ແລະ ໄມ້ທຳມະຊາດ ພ້ອມທັງສົ່ງເສີມການສົ່ງອອກທີ່ຖືກຕ້ອງຕາມກົດໝາຍ ເພື່ອສ້າງຄວາມເຂັ້ມແຂງໃຫ້ກັບຫົວໜ່ວຍທຸລະ ເຊີ່ງຈະປະກອບສ່ວນເຂົ້າໃນການພັດທະນາເສດຖະກິດ-ສັງຄົມ ແລະ ຄືນຄວາມຍືນຍົງໃຫ້ກັບປ່າໄມ້.

 

ຂໍ້ມູນຈາກໜັງສືພິມວຽງຈັນໃໝ່, ສະບັບທີ 128.455, ລົງວັນທີ 01 ມີນາ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top