----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000075871
Today
Yesterday
This Week
Last Week
This Month
Last Month
All days
97
32
170
66414
1793
2920
75871
Your IP: 43.241.57.31
Server Time: 2017-10-18 05:44:17

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ວຽກ 4 ບຸກ (ບຸກດ້ານແນວຄິດ, ບຸກດ້ານການເຝິກຝົນຫຼໍ່ຫຼອມຮ່ຳຮຽນ, ບຸກດ້ານການຈັດຕັ້ງ ແລະ ບຸກດ້ານວິຊາຊີບ-ສ້າງວຽກເຮັດງານທຳ) ແມ່ນເປັນວຽກບຸລິມະສິດຂອງຊາວໜຸ່ມປະຊາຊົນປະຕິວັດລາວ ທີ່ຊາວໜຸ່ມໃນຂອບເຂດທົ່ວປະເທດຮັບຮູ້ ແລະ ກຳໄດ້ແໜ້ນ ພ້ອມກັນປະຕິບັດຢ່າງເປັນຂະບວນຟົດຟື້ນຕໍ່ເນື່ອງໃນນັ້ນກໍ່ມີຊາວໜຸ່ມຂະແໜງກະສິກຳ ແລະ ປ່າໄມ້ ກໍ່ໄດ້ເອົາໃຈໃສ່ຢ່າງຫ້າວຫັນຈັດຕັ້ງປະຕິບັດວຍກງານ 4 ບຸກ ດ້ວຍຄວາມຮັບຜິດຊອບສູງອັນໄດ້ເຮັດໃຫ້ກົງຈັກການຈັດຕັ້ງມີຄວາມເຂັ້ມແຂງທັງປະລິມານ-ຄຸນນະພາບເປັນກ້າວໆມາ.

          ກອງປະຊຸມສະຫຼຸບວຽກງານ 4 ບຸກຂອງຄະນະບໍລິຫານງານຊາວໜຸ່ມກະຊວງກະສິກຳ ແລະ ປ່າໄມ້ ຈັດຂຶ້ນ ວັນທີ 17 ມີນາ 2017 ຢູ່ສະຖາບັນຄົ້ນຄວ້າກະສິກຳ ແລະ ປ່າໄມ້ ມີທ່ານ ລຽນ ທິແກ້ວ ລັດຖະມົນຕີ ກະຊວງກະສິກຳ ແລະ ປ່າໄມ້ ທ່ານ ປີຢາ ທໍ່ຕູ ຄະນະເລຂາທິການສູນກາງຊາວໜຸ່ມປະຊາຊົນປະຕິວັດລາວ ພ້ອມດ້ວຍສະມາຊິກຊາວໜຸ່ມເຂົ້າຮ່ວມ.

          ທ່ານ ສົມຫວັງ ພິມມະສອນ ເລຂາຄະນະບໍລິຫານງານຊາວໜຸ່ມ ກະຊວງກະສິກຳ ແລະ ປ່າໄມ້ ໄດ້ລາຍງານກ່ຽວກັບການເຄື່ອນໄຫວຈັດຕັ້ງປະຕິບັັດວຍກງານ 4 ບຸກ ປະຈຳປີ 2016 ແລະ ທິດທາງແຜນການປີ 2017 ເຊີ່ງຕະຫຼອດໄລຍະປີກວ່າຜ່ານມາຄະນະບໍລິຫານງານຊາວໜຸ່ມກະຊວງ ໄດ້ເອົາໃຈໃສ່ຢ່າງຕັ້ງໜ້າເຂົ້າໃນການປະຕິບັດວຽກງານວິຊາສະເພາະຂອງຕົນດ້ວຍຄວາມຮັບຜິດຊອບສູງ ເປັນເຈົ້າການປະກອບສ່ວນເຂົ້າໃນວຽກງານສ້າງຂະບວນການຕາມພາລະບົດບາດ ສິດ ແລະໜ້າທີ່ຊາວໜຸ່ມຢ່າງເຂັ້ມແຂງ ພ້ອມນັ້ນຍັງໄດ້ສືບຕໍ່ຈັດຕ້ງຜັນຂະຫຍາຍວຽກງານ 4 ບຸກ ຂອງຄະນະບໍລິຫານງານ ຊປປລ ວາງອອກ ເຊີ່ງເຫັນວ່າວຽກງານດັ່ງກ່າວໄດ້ສ້າງໃຫ້ຊາວໜຸ່ມກະຊວງກະສິກຳ ແລະ ປ່າໄມ້ ມີຄວາມໜັກແໜ້ນເຂົ້າໃຈແຈ້ງຕໍ່ແນວທາງນະໂຍບາຍຂອງພັກ-ລັດ ເປັນເຈົ້າການເຝິກຝົນຫຼໍ່ຫຼອມຕົນເອງໃຫ້ມີຄວາມຮູ້ຄວາມສາມາດ ແລະ ມີສິນທຳປະຕິວັດ ເອົາໃຈໃສ່ປັບປູງກົງຈັກການຈັດຕັ້ງໃຫ້ມີຄວາມເຂັ້ມແຂງຮອບດ້ານ ພ້ອມກັບການສ້າງວິຊາຊີບ-ສ້າງວຽກເຮັດງານທຳໃຫ້ຖັນແຖວຊາວໜຸ່ມເພື່ອຍົກລະດັບຊີວິດການເປັນຢູ່ຂອງຕົນໃຫ້ນັບມື້ດີຂຶ້ນຕາມລຳດັບ ປັດຈຸບັນຊາວໜຸ່ມກະຊວງກະສິກຳ ແລະ ປ່າໄມ້ ມີຄະນະບໍລິຫານງານ 14 ທ່ານ ແລະ ມີສະມາຊິກ 1.547 ທ່ານ.

          ຂ່າວແຈ້ງຕື່ມວ່າ: ໃນວັນດຽວກັນ ຄະນະບໍລິຫານຊາວໜຸ່ມກະຊວງກະສິກຳ ແລະ ປ່າໄມ້ ຍັງໄດ້ຈັດປາຖະກະຖາວັນສ້າງຕັ້ງອົງການ ຊປປລ ຄົບຮອບ 62 ປີຕື່ມອີກ.

 

ຂໍ້ມູນຈາກໜັງສືພິມ ວຽງຈັນໃໝ່ ສະບັບທີ 128.469 ລົງວັນທີ 21 ມີນາ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top