----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000073506
Today
Yesterday
This Week
Last Week
This Month
Last Month
All days
57
70
127
64006
2348
3040
73506
Your IP: 43.241.57.31
Server Time: 2017-09-25 17:03:32

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

          ປັດຈຸບັນຊາວກະສິກອນຫຼາຍທ້ອງຖີ່ນໄດ້ຂຸ້ນຂ້ຽວສຸມໃສ່ການຜະລິດລະດູແລ້ງ ໂດຍສະເພາະກໍ່ແມ່ນການເກັບກ່ຽວເຂົ້ານາແຊງ ແລະ ປູກພືດຜັກຕາມລະດູການ ເພື່ອໃຫ້ທ່ວງທັນກັບເວລາ ເນື່ອງຈາກໄລຍະນີ້ສະພາບດິນຟ້າອາກາດ ມີການປ່ຽນແປງບາງມື້ກໍ່ຮ້ອນອົບເອົ້າ ແລະ ບາງມື້ກໍ່ມີຝົນຕົກລົງມາ ແຕ່ເຖິງຢ່າງໃດກໍ່ຕາມ ຊາວກະສິກອນກໍ່ໄດ້ຍາດຖ້າຍາດຝົນເກັບກ່ຽວເຂົ້ານາແຊງໃຫ້ທ່ວງທັນກັບເວລາ ແລະ ບັນລຸຕາມແຜນການ ເຊີ່ງພາຍຫຼັງສຳເລັດກໍ່ຈະໄດ້ກະກຽມໃສ່ການຜະລິດລະດູຝົນທີ່ຈະມາເຖິງບໍ່ເທົ່າໃດເດືອນຂ້າງໜ້ານີ້.

            ທ່ານ ສົມເຫວີຍ ທຳມະໂຄດ ຫົວໜ້າຫ້ອງການກະສິກຳ ແລະ ປ່າໄມ້ ເມືອງຫາດຊາຍຟອງ ນະຄອນຫຼວງວຽງຈັນ ໃຫ້ຮູ້ວ່າ: ປັດຈຸບັນ ຊາວກະສິກອນເມືອງຫາດຊາຍຟອງກຳລັງຂຸ້ນຂ້ຽວເກັບກ່ຽວເຂົ້ານາແຊງ ແລະ ປູກພືດລະດູແລ້ງ 2017 ໃຫ້ໄດ້ຕາມແຜນການສູ້ຊົນທີ່ວາງໄວ້ ເຊີ່ງເນື້ອທີ່ແຜນການຜະລິດເຂົ້ານາແຊງ 3.800 ເຮັກຕາ ຄາດຄະເນຜົນຜະລິດ 5,52 ໂຕນຕໍ່ເຮັກຕາ ຜົນຜະລິດລວມ 20.976 ໂຕນ ແຜນການຕົກກ້າ 288  ໂຕນ ເນື້ອທີ່ຈຸດສຸມ 500 ເຮັກຕາ ແຜນປັກດຳດ້ວຍກົນຈັກ 500 ເຮັກຕາ ແລະ ແຜນການຈັດຕັ້ງປະຕິບັດຕົວຈິງຕົກກ້າສຳເລັດ 100% ປັກດຳໄດ້ 3.535 ເຮັກຕາ ເທົ່າກັບ 93% ຫຼຸດແຜນການໃນນັ້ນປັກດຳດ້ວຍກົນຈັກ 500 ເຮັກຕາ ນາຫວ່ານທົ່ວໄປ 1.650 ເຮັກຕາ ແລະ ປັກດຳທົ່ວໄປ 1.385 ເຮັກຕາ ສາເຫດຂອງການເສຍຫາຍເນື້ອທີ່ນາ 265 ເຮັກຕາ ເທົ່າກັບ 7% ນັ້ນແມ່ນຍ້ອນສະຖານີທ່ານາບໍ່ໄດ້ທຳການຜະລິດຄອງເໝືອງ ສົ່ງນ້ຳບໍ່ໄດ້ ແລະ ທົ່ງນາເຊີ (ສະຖານີສິມມະໂນ) ທໍ່ນໍ້າຮົ່ວ ແລະ ຂາດ (48 ທໍ່) ບໍ່ສາມາດສົ່ງນໍ້າໄດ້.

            ສຳລັບການເກັບກ່ຽວຜົນຜະລິດເຂົ້ານາແຊງແມ່ນກຳລັງຂຸ້ນຂ້ຽວຢ່າງເປັນຂະບວນຟົດຟື້ນໃນເນື້ອທີ່ປັກດຳໄດ້ ມາຮອດວັນທີ 18 ເມສາ 2017 ສຳເລັດແລ້ວ 819 ເຮັກຕາ ເທົ່າກັບ 23,16% ໃນນັ້ນ ເນື້ອທີ່ເກັບກ່ຽວທົ່ວໄປ 699 ເຮັກຕາ ແລະ ເກັບກ່ຽວກ້ວຍກົນຈັກ 120 ເຮັກຕາ ແລະ ຄາດວ່າຈະສຳເລັດໃນຕົ້ນເດືອນພຶດສະພານີ້ ສ່ວນການຜະລິດພືດຜັກລະດູແລ້ງ ເນື້ອທີ່ແຜນການ 2.050 ເຮັກຕາ ຄາດຄະເນຜົນຜະລິດ 9,75 ໂຕນຕໍ່ເຮັກຕາ ລວມຜົນຜະລິດ 19.987 ໂຕນ ແລະ ຜ່ານການຈັດຕັ້ງປະຕິບັດໄດ້ 2.001 ເຮັກຕາ ເທົ່າກັບ 97,60% ໃນນັ້ນ ພຶດກິນໃບປະຕິບັດໄດ້ 1.231 ເຮັກຕາແຜນການ 1.370 ເຮັກຕາ ພືດກິນດອກປະຕິບັດໄດ້ 50 ເຮັກຕາ ເທົ່າກັບ 100% ພືດກິນໝາກປະຕິບັດໄດ້ 620 ເຮັກຕາ ລື່ນແຜນການ 120 ເຮັກຕາ (ແຜນການ 500 ເຮັກຕາ) ແລະ ພືດກິນຫົວທົ່ວປະຕິບັດໄດ້ 100 ເຮັກຕາ ເທົ່າກັບ 100% ແຜນການປູກພືດອຸດສະຫະກຳລະດູແລ້ງ 90 ເຮັກຕາ ຄາດຄະເນຜົນຜະລິດ 11,50 ໂຕນຕໍ່ເຮັກຕາ ຜົນຜະລິດລວມ 1.035 ໂຕນ ແລະ ສາມາດປະຕິບັດໄດ້ 90 ເຮັກຕາເທົ່າກັບ 100% ໃນນັ້ນອ້ອຍ 21 ເຮັກຕາ ຖົ່ວຂຽວ 13 ເຮັກຕາ ຖົ່ວດິນ 12 ເຮັກຕາ ແລະ ອື່ນໆ 44 ເຮັກຕາ.

 

            ຂໍ້ມູນຈາກໜັງສືພິມລາຍວັນ ວຽງຈັນໃໝ່, ສະບັບທີ 12.492 ລົງວັນທ 25 ເມສາ 2017

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top