----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000078834
Today
Yesterday
This Week
Last Week
This Month
Last Month
All days
75
128
1067
68411
2108
2648
78834
Your IP: 43.241.57.31
Server Time: 2017-11-18 21:24:40

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

 ປະທານປະເທດ ລົງຊຸກຍູ້ການພັດທະນາເມືອງສັງທອງ
ທ່ານ ບຸນຍັງ ວໍລະຈິດ ປະທານປະເທດ ແລະ ທ່ານ ສິນລະວົງ ຄຸດໄພທູນ ເຈົ້າຄອງນະຄອນຫຼວງວຽງຈັນ ພ້ອມດ້ວຍຄະນະໄດ້ລົງເຄື່ອນໄຫວ ຢ້ຽມຢາມພົບປະອຳນາດການປົກຄອງ ແລະ ປະຊາຊົນ ຢູ່ເມືອງສັງທອງ ນະຄອນຫຼວງວຽງຈັນ ໃນວັນທີ 13 ຕຸລາ 2017 ທີ່ ເມືອງສັງທອງ ເພື່ອຊຸກຍູ້ການຈັດຕັ້ງປະຕິບັດແຜນພັດທະນາ ເສດຖະກິດ-ສັງຄົມ ຂອງເມືອງໃຫ້ມີການເຕີບໃຫ່ຍຂະຫຍາຍຕົວ ແລະ ສາມາດຕອບສະ ໜອງໄດ້ຕາມຄວາມຮຽກຮ້ອງຕ້ອງການໃນໄລຍະໃໝ່ຂອງພັກ-ລັດຖະບານວາງອອກໃຫ້ປະສົບຜົນເປັນຈິງ.
ທ່ານ ຄຳໝູນ ຕຽນທະລາດ ເຈົ້າເມືອງ ເມືອງ ສັງທອງ ໄດ້ລາຍງານກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ຂອງ ເມືອງໂດຍຫຍໍ້ວ່າ: ເມືອງສັງທອງໄດ້ຖືເອົາວຽກງານເສດຖະກິດໃນການແກ້ໄຂຄວາມທຸກຍາກຂອງປະຊາຊົນເປັນບັນຫາສຳຄັນ ແລະ ເປັນບຸ ລິມະສິດອັນດັບໜຶ່ງຂອງເມືອງຈຶ່ງໄດ້ກຳນົດເອົາວຽກງານກະສິກຳເປັນທ່າແຮງ,ໂດຍຕິດພັນກັບການບໍລິການທ່ອງທ່ຽວເພື່ອຍູ້ແຮງການພັດ ທະນາເສດຖະກິດ-ສັງຄົມຕາມກົນໄກເສດຖະກິດຕະຫລາດທີ່ມີການນຳພາຂອງພັກ ແລະ ການຄຸ້ມຄອງດັດສົມຂອງລັດ ຕັ້ງໜ້າຂຸດຄົ້ນທ່າແຮງ ບົ່ມຊ້ອນຂອງເມືອງ ເຮັດໃຫ້ເສດຖະກິດຂອງເມືອງຂະຫຍາຍຕົວຕໍ່ເນື່ອງໃນລະດັບ 12%ຕໍ່ປີ ລວມຍອດຜະລິດຕະພັນພາຍໃນບັນລຸໄດ້ 574,08 ຕື້ກິບ ສະເລ່ຍລາຍຮັບຕໍ່ຫົວຄົນ ປະຕິບັດໄດ້ 16 ລ້ານກວ່າກີບ ຕໍ່ຄົນຕໍ່ປີ ສ່ວນຄອບຄົວທຸກຍາກແກ້ໄຂໄດ້ໂດຍພື້ນຖານ.
ພ້ອມນັ້ນໄດ້ສະເໜີຂໍ່ທິດຊີ້ນຳຕໍ່ການນຳ ເປັນຕົ້ນແມ່ນ: ໃຫ້ການນຳພັກ-ລັດ ຂັ້ນນະຄອນຫຼວງ ແລະ ສູນກາງ ສືບຕໍ່ໃກ້ຊິດຕິດແທດ ແລະ ໃຫ້ທິດຊີ້ນຳແກ່ເມືອງສັງທອງເປັນປະຈຳ ແລະ ຕໍ່ເນື່ອງ ຂໍທຶນຮອນໃນການກໍ່ສ້າງພື້ນຖານໂຄງລ່າງການພັດທະນາຊັບພະຍາກອນ ມະນຸດໃນ ແຕ່ລະປີເພື່ອເຮັດໃຫ້ເມືອງສັງທອງມີການພັດທະນາຢ່າງຕໍ່ເນື່ອງທຽບເທົ່າກັບບັນດາເມືອງໃນນະຄອນຫຼວງ ໃຫ້ພະແນກການ ກ່ຽວຂ້ອງຂອງ ນະຄອນຫຼວງ ແລະ ສູນກາງ ສະໜັບສະໜູນ ແລະ ວາງນະໂຍບາຍໃຫ້ສອດຄ່ອງກັບທິດ 3 ສ້າງ ເພື່ອເປັນບ່ອນອິງໃຫ້ເມືອງໃນການປະຕິບັດ ຕົວຈິງ ກ່ຽວກັບການສ້າງເມືອງເຂັ້ມແຂງຮອບດ້ານ ແລະ ສະເໜີຂັ້ນເທິງສະໜັບສະໜູນ ແລະ ສ້າງເງື່ອນໄຂເພື່ອອຳນວຍຄວາມສະດວກໃຫ້ ແກ່ ການດຶງດູດການລົງທືນຈາກພາຍໃນ ແລະ ຕ່າງປະເທດ ໂດຍທືນຊ່ວຍເຫຼືອລ້າ ຫຼື ທືນເຂົາເຈົ້າເອງເພື່ອຫຼຸດຜ່ອນການນຳໃຊ້ງົບປະມານ ຂອງລັດ ແນໃສ່ພັດທະນາເມືອງສັງທອງເປັນເຂດພື້ນຖານການ ປະຕິວັດໃນສະໄໝຕໍ່ສູ້ກູ້ຊາດມີໃບໜ້າໃໝ່ ແລະ ຜົນງານຍິ່ງໃຫ່ຍກວ່າເກົ່າ.
ຈາກນັ້ນ ສະຫາຍ ບຸນຍັງ ວໍລະຈິດ ໄດ້ໃຫ້ກຽດໂອລົມ ເຊິ່ງທ່ານໄດ້ຍ້ອງຍໍຊົມເຊີຍຕໍ່ກັບຜົນສຳເລັດທີ່ອົງການປົກຄອງເມືອງ ແລະ ອຳນາດການປົກຄອງບ້ານພາຍໃນເມືອງ ສາມາດຍາດມາໄດ້ດ້ວຍຄວາມຮັບຜິດຊອບສູງສະແດງອອກໃນການພັດທະນາພື້ນຖານໂຄງລ່າງ ມີເສັ້ນທາງໄປມາສະດວກສະບາຍ ປະຊາຊົນຢູ່ດີກິນດີມີຄວາມຜ່າສຸກ ແຕ່ເຖິ່ງຢ່າງໃດກໍ່ດີເມືອງຍັງມີຂໍ້ຄົງຄ້າງທີ່ຈະຕ້ອງເອົາໃຈໃສ່ແກ້ໄຂ ເມື່ອສົມທຽບໃສ່ຄວາມຮຽກຮ້ອງຕ້ອງການທາງດ້ານການເມືອງໃນໄລຍະໃໝ່ເປັນຕົ້ນແມ່ນວຽກງານ ປກຊ-ປກສ ປາກົດການຫຍໍ້ທໍ້ຢາເສບຕິດ ໃຫ້ຊອກຫາເຫດຜົນພ້ອມທັງຄູ້ມຄອງ ແລະ ແກ້ໄຂ ເພື່ອຮັບປະກັນໃຫ້ບ້ານເມືອງມີຄວາມສະຫງົບ ວຽກງານນະໂຍບາຍການເບິ່ງ ແຍງຊິວິດການເປັນຢູ່ຂອງພະນັກງານບຳນານຕ້ອງປະຕິບັດຕາມລະບຽບ ເອົາໃຈໃສ່ເປັນເຈົ້າການ ແລະ ການປະຕິບັດນະໂຍບາຍອື່ນໆ ຕ້ອງມີມາດຕະຖານມີລະບຽບປະຕິບັດໃຫ້ໄດ້ຕາມກຳນົດ ນະໂຍບາຍຊົນເຜົ່າ ເປັນຕົ້ນແມ່ນການຮ່ຳຮຽນ ຕ້ອງມີຄວາສາມັກຄີ ການສ້າງພະ ນັກງານເພດໄວເຜົ່າຊົນບັນຫາສະເພາະ ໃຫ້ປະຕິບັດລະບຽບກົດໝາຍກຳໃຫ້ແໜ້ນ ແກ້ໄຂໃຫ້ຖືກ ສືກສາອົບຮົມໃຫ້ສະມາ ຊີກພັກໃຫ້ເອົາໃຈໃສ່ຊີ້ນຳພາອົງການຈັດຕັ້ງມະຫາຊົນ ໂດຍສະເພາະແມ່ນຊາວໜຸ່ມທົ່ວໄປ ສືກສາອົບຮົມແຍກໃຫ້ໄດ້ບັນຫາຕ່າງໆ ແກ້ໄຂປາກົດການຫຍໍ້ທໍ້ໃນເອື້ອຍນ້ອງແມ່ຍິງ ພ້ອມນີ້ປະມານປະເທດຮຽກຮ້ອງໃຫ້ສະມາຊິກພັກສືບຕໍ່ຮັກສາມູນເຊື້ອເມືອງວິລະຊົນໃຫ້ສືບ
ທອດໄປຮຸ່ນຕໍ່ຮຸ່ນ ຄ່ຽງຄູ່ກັບການພັດທະນາ ໃຫ້ສຸມໃສ່ຈັດຕັ້ງຜັນຂະຫຍາຍມະຕິກອງປະຊຸມໃຫ່ຍຄັ້ງທີ X ຂອງພັກ ມະຕິກອງປະຊຸມໃຫ່ຍ ຄັ້ງທີ VI ຂອງອົງຄະນະພັກນະຄອນຫຼວງວຽງຈັນ ( ເປັນຕົ້ນ 6 ວິໄສທັດ 6 ຍຸດທະສາດ 18 ຄາດໝາຍໃຫ່ຍ 6 ໂຄງການບຸກທະລຸ 16 ໂຄງການໃຫ່ຍລະດັບຊາດ ) ຢູ່ນະຄອນຫຼວງວຽງຈັນ ແລະ ມະຕິກອງປະຊຸມໃຫ່ຍ ຄັ້ງທີ IVຂອງອົງຄະນະພັກເມືອງສັງທອງ ໃຫ້ບັນລຸຕາມຄາດໝາຍທີ່ວາງໄວ້.
ໂອການນີ້ ປະທານປະເທດ ພ້ອມດ້ວຍຄະນະໄດ້ໄປຢ້ຽມຊົມ ສວນຢາງພາລາຂອງທ່ານ ດາວພອນ ພິລາວົງ ຢູ່ບ້ານສະນ໋ອດ ຈາກນັ້ນກໍ່ໄດ້ໄປຢ້ຽມຢາມຟາມ ທະວີໂຊກ ຂອງທ່ານ ບຸນທະໜອມ ວັນນຸວົງ ຢູ່ບ້ານໜອງບົວ ເມືອງສັງທອງ ເພື່ອຊຸກຍູ້ສົ່ງເສີມ ແລະ ໃຫ້ທິດຊີ້ນຳໃນການພັດທະນາວຽກງານດັ່ງກ່າວໃຫ້ໄດ້ໝາກຜົນທີ່ດີຂື້ນເລື້ອຍໆ.

ແຫ່ລງຂໍ້ມູນຈາກ: ໜັງສືພີມ ວຽງຈັນໃໝ່, ສະບັບທີ 12.620 , ລົງວັນທີ 16 ຕຸລາ 2017

 

 

 

 

 

 

 

 

 

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top