----:: WELCOME TO COUNCIL FOR SCIENCE AND TECHOLOGY LAO PDR ::-----

Visitors Counter

000082773
Today
Yesterday
This Week
Last Week
This Month
Last Month
All days
104
70
174
72672
2511
3536
82773
Your IP: 43.241.57.31
Server Time: 2017-12-18 05:15:31

Web Link





In order to view this object you need Flash Player 9+ support!

Get Adobe Flash player

Powered by RS Web Solutions

 ຄວາມທຸກຍາກ ແລະ ໄພອຶດຫິວ ຖືເປັນບັນຫາໃຫ່ຍ ແລະ ສຳຄັນຂອງທົ່ວໂລກຫຼາຍປະເທດໄດ້ພົບກັບບັນຫາ ໄພທຳມະຊາດເຊິ່ງໄດ້ສ້າງຄວາມເສຍຫາຍທັງຊີວິດ-ຊັບສິນ ພ້ອມກັບເປັນສາເຫດສຳຄັນກໍ່ໃຫ້ຫລາຍປະເທດໃນໂລກ ມີອັດຕາຄວາມທຸກຍາກ ແລະ ໄພອຶດຫິວເພີ່ມຂື້ນຕາມລຳດັບ ເພື່ອແກ້ໄຂບັນຫາດັ່ງກ່າວອົງການອາຫານ ແລະ ການກະເສດ ແຫ່ງສະຫະປະຊາຊາດໄດ້ກຳນົດເອົາວັນທີ 16 ຕຸລາ ຂອງທຸກໆປີ ເປັນວັນອາຫານໂລກນັບແຕ່ປີ 1980 ເປັນຕົ້ນມາ ຈາກນັ້ນໃນປີ 1992 ອົງການສະຫະປະຊາຊາດ ໄດ້ກຳນົດເອົາວັນທີ 17 ຕຸລາ ຂອງທຸກໆປີເປັນວັນສາກົນລືບລ້າງຄວາມທຸກຍາກ ແລະ ມາຮອດປີ 2003 ລັດຖະບານແຫ່ງ ສປປ ລາວ ກໍ່ໄດ້ກຳນົດເອົາວັນທີ 17-24 ຕຸລາ ຂອງທຸກໆປີເປັນສັບປະດາແຫ່ງຊາດເພື່ອລືບລ້າງຄວາມທຸກ ຍາກແນໃສ່ເຮັດໃຫ້ການຈັດຕັ້ງປະຕິບັດວຽກງານແກ້ໄຂຄວາມທຸກຍາກ ຂອງປະຊາຊົນ ເຜີຍແຜ່ກວ້າງຂວາງສ້າງຄວາມເຂົ້າໃຈທີ່ຖືກຕ້ອງ ແລະ ພ້ອມກັນຈັດຕັ້ງປະຕິບັດວຽກງານແກ້ໄຂ ຄວາມທຸກຍາກໃຫ້ປະສົບຜົນສຳເລັດຕາມແຜນການວາງໄວ້ເປັນກ້າວໆ.
ກະຊວງກະສິກຳ ແລະ ປ່າໄມ້ ຮ່ວມກັບ ອົງການອາຫານໂລກ ແລະ ການກະເສດ ແລະ ອົງການສະຫະປະຊາຊາດເພື່ອການພັດທະນາ ປະຈຳລາວຈັດງານສະເຫຼີມສະຫຼອງວັນອາຫານໂລກ ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກ ວັນທີ 17 ຕຸລາ 2017 ຢູ່ສະຖາບັນຄົ້ນຄ້ວາກະສິກຳ-ປ່າໄມ້ ແລະ ພັດທະນາຊົນນະບົດແຫ່ງຊາດມີ ທ່ານ ເພັດ ພົມພິພັກ ລັດຖະມົນຕີ ຫົວໜ້າຫ້ອງວ່າການສຳນັກງານນາຍົກລັດຖະມົນຕີ ທ່ານ ນາງ ຄາຣີນາ ອີມໂມເນນ ຫົວໜ້າຜູ້ປະສານງານອົງການສະຫະປະຊາຊາດ ເພື່ອການພັດທະນາ ປະຈຳລາວ ທ່ານ ສະຕີເຟັ້ນ ຣູດກາດ ຜູ້ຕາງໜ້າອົງການອາຫານ ແລະ ການກະເສດ ພ້ອມດ້ວຍຜູ້ຕາງໜ້າຈາກຂະແໜງ ກະສິກຳ ແລະ ປ່າໄມ້ ກະຊວງ ອົງການຈັດຕັ້ງສາກົນກ່ຽວຂ້ອງເຂົ້າຮ່ວມ.
ສຳລັບງານສະເຫີມສະຫຼອງວັນອາຫານໂລກ ວັນສາກົນ ແລະ ສັບປະດາແຫ່ງຊາດ ເພື່ອລຶບລ້າງຄວາມທຸກຍາກພາຍໃຕ້ຄຳຂັວນ ‘’ ລົງທືນໃສ່ການຄ້ຳປະກັນສະບຽງອາຫານ ແລະ ການພັດທະນາຊົນນະບົດ ເພື່ອແກ້ໄຂການເຄື່ອນຍ້າຍຖິ່ນຖານໃນອານາຄົດ ແລະ ກ້າວໄປສູ່ສັງຄົມສັນຕິສຸກ ເພື່ອໝົດທຸກຄົນ’’ ຄັ້ງນີ້ ຖືວ່າມີຄວາມສຳຄັນຫຍິ່ງເນື່ອງຈາກລັດຖະບານກໍ່ຄືກະຊວງກະສິກຳ ແລະ ປ່າໄມ້ ໄດ້ເອົາໃຈໃສ່ປະສານສົມທົບກັບອົງການຈັດຕັ້ງສາກົນ ແລະ ຄູ່ຮ່ວມພັດທະນາ ເພື່ອພັດທະນາລະບົບກະສິກຳ ແລະ ການພັດທະນາຊົນນະບົດ ປັບປຸງວຽກງານກະສິກຳ ເປັນລະບົບຫຍິ່ງຂື້ນ ແນໃສ່ເພີ່ມສະມັດຖະພາບການຜະລິດໃຫ້ສູງຂື້ນ ແລະ ກາຍເປັນສິນຄ້າເທື່ອລະກ້າວ ແນໃສ່ຍົກລະດັບຊີວິດການເປັນຢູ່ຂອງຊາວກະສິກອນ ກໍ່ຄື ປະຊາຊົນລາວບັນດາເຜົ່າໃຫ້ນັບມື້ດີຂື້ນຕາມແນວທາງນະໂຍບາຍ ຂອງພັກ-ລັດຖະບານວາງອອກໃຫ້ປະສົບຜົນເປັນຈິງ.

ແຫ່ລງຂໍ້ມູນຈາກ: ໜັງສືພີມ ວຽງຈັນໃໝ່, ສະບັບທີ 12.622 , ລົງວັນທີ 18 ຕຸລາ 2017

 

 

 

Contact Information

  • CST Center For Agricultural Statistics
    Patuxay, Phonxay Village, Saysethha District
    Vientiane Capital Laos P.D.R
  • + 856-21-263160 + 856-20-22439488
Scroll to top